સાગરનાગરાજપરિપૃચ્છામહાયાનસૂત્ર · ભાગ 11

આર્યસાગરનાગરાજપરિપૃચ્છા નામ મહાયાનસૂત્રમ્ = સાગર સંસ્કૃતે
પુનરુદ્ધૃતમ્ નમઃ સર્વબુદ્ધબોધિસત્ત્વેભ્યઃ ।
એવં મયા શ્રુતમ્ - એકસ્મિન્ સમયે ભગવાન્ બુદ્ધઃ સાગરનાગરાજાવસથે વિહરતિ સ્મ સાર્દ્ધં સાર્ધદ્વાદશશતભિક્ષૂણાં મહાસઙ્ઘેન બહુભિશ્ચ બોધિસત્ત્વમહાસત્ત્વૈઃ । તસ્મિન્ સમયે ભગવાન્ બુદ્ધઃ સાગરનાગરાજમવોચત્ - નાગાધિપતે, ચતુર્ણાં ધર્મોદ્દાનાનામભિધાને ક્રિયમાણે તદભિધાનેન ચતુરશીતિધર્મસ્કન્ધસહસ્રાણામભિધાનં કૃતં ભવતિ । કતમાનિ ચત્વારિ? તથાહિ -
સર્વેષાં સંસ્કારાણામ્ અનિત્યતાયાં બોધિસત્ત્વૈર્મહાસત્ત્વૈર્નિર્દિષ્ટમક્ષયજ્ઞાનં પ્રવર્તતે ।
સર્વેષાં સાસ્રવાણાં ધર્માણાં દુઃખતાયાં બોધિસત્ત્વૈર્મહાસત્ત્વૈર્નિર્દિષ્ટમક્ષયજ્ઞાનં પ્રવર્તતે ।
સર્વેષાં ધર્માણામ્ અનાત્મતાયાં બોધિસત્ત્વૈર્મહાસત્ત્વૈર્નિર્દિષ્ટમક્ષયજ્ઞાનં પ્રવર્તતે ।
નિર્વાણસ્ય શાન્તતાયાં બોધિસત્ત્વૈર્મહાસત્ત્વૈર્નિર્દિષ્ટમક્ષયજ્ઞાનં પ્રવર્તતે ।
નાગાધિપતે, એતેષાં ચતુર્ણાં ધર્મોદ્દાનાનામભિધાને ક્રિયમાણે તદભિધાનેન ચતુરશીતિધર્મસ્કન્ધસહસ્રાણામભિધાનં કૃતં ભવતિ ।
ઇદમવોચત્ ભગવાન્ । આત્તમનસો ભિક્ષવઃ સર્વે ચ બોધિસત્ત્વા ભગવતો ભાષિતમભ્યનન્દન્નિતિ ।
॥ આર્યસાગરનાગરાજપરિપૃચ્છાનામ મહાયાનસૂત્રં સમાપ્તમ્ ॥