ઋગ્વેદ · અધ્યાય 9.046

અસૃગ્રન્ દેવવીતયે ઽત્યાસઃ કૃત્વ્યા ઇવ ।
ક્ષરન્તઃ પર્વતાવૃધઃ ॥

પરિષ્કૃતાસ ઇન્દવો યોષેવ પિત્ર્યાવતી ।
વાયું સોમા અસૃક્ષત ॥

એતે સોમાસ ઇન્દવઃ પ્રયસ્વન્તશ્ ચમૂ સુતાઃ ।
ઇન્દ્રં વર્ધન્તિ કર્મભિઃ ॥

આ ધાવતા સુહસ્ત્યઃ શુક્રા ગૃભ્ણીત મન્થિના ।
ગોભિઃ શ્રીણીત મત્સરમ્ ॥

સ પવસ્વ ધનંજય પ્રયન્તા રાધસો મહઃ ।
અસ્મભ્યં સોમ ગાતુવિત્ ॥

એતમ્ મૃજન્તિ મર્જ્યમ્ પવમાનં દશ ક્ષિપઃ ।
ઇન્દ્રાય મત્સરમ્ મદમ્ ॥