ઋગ્વેદ · અધ્યાય 9.021

એતે ધાવન્તીન્દવઃ સોમા ઇન્દ્રાય ઘૃષ્વયઃ ।
મત્સરાસઃ સ્વર્વિદઃ ॥

પ્રવૃણ્વન્તો અભિયુજઃ સુષ્વયે વરિવોવિદઃ ।
સ્વયં સ્તોત્રે વયસ્કૃતઃ ॥

વૃથા ક્રીળન્ત ઇન્દવઃ સધસ્થમ્ અભ્ય્ એકમ્ ઇત્ ।
સિન્ધોર્ ઊર્મા વ્ય્ અક્ષરન્ ॥

એતે વિશ્વાનિ વાર્યા પવમાનાસ આશત ।
હિતા ન સપ્તયો રથે ॥

આસ્મિન્ પિશઙ્ગમ્ ઇન્દવો દધાતા વેનમ્ આદિશે ।
યો અસ્મભ્યમ્ અરાવા ॥

ઋભુર્ ન રથ્યં નવં દધાતા કેતમ્ આદિશે ।
શુક્રાઃ પવધ્વમ્ અર્ણસા ॥

એત ઉ ત્યે અવીવશન્ કાષ્ઠાં વાજિનો અક્રત ।
સતઃ પ્રાસાવિષુર્ મતિમ્ ॥