ઋગ્વેદ · અધ્યાય 8.057

યુવં દેવા ક્રતુના પૂર્વ્યેણ યુક્તા રથેન તવિષં યજત્રા ।
આગચ્છતં નાસત્યા શચીભિર્ ઇદં તૃતીયં સવનમ્ પિબાથઃ ॥

યુવાં દેવાસ્ ત્રય એકાદશાસઃ સત્યાઃ સત્યસ્ય દદૃશે પુરસ્તાત્ ।
અસ્માકં યજ્ઞં સવનં જુષાણા પાતં સોમમ્ અશ્વિના દીદ્યગ્ની ॥

પનાય્યં તદ્ અશ્વિના કૃતં વાં વૃષભો દિવો રજસઃ પૃથિવ્યાઃ ।
સહસ્રં શંસા ઉત યે ગવિષ્ટૌ સર્વાઁ ઇત્ તાઁ ઉપ યાતા પિબધ્યૈ ॥

અયં વામ્ ભાગો નિહિતો યજત્રેમા ગિરો નાસત્યોપ યાતમ્ ।
પિબતં સોમમ્ મધુમન્તમ્ અસ્મે પ્ર દાશ્વાંસમ્ અવતં શચીભિઃ ॥