ઋગ્વેદ · અધ્યાય 8.029

બભ્રુર્ એકો વિષુણઃ સૂનરો યુવાઞ્જ્ય્ અઙ્ક્તે હિરણ્યયમ્ ॥

યોનિમ્ એક આ સસાદ દ્યોતનો ઽન્તર્ દેવેષુ મેધિરઃ ॥

વાશીમ્ એકો બિભર્તિ હસ્ત આયસીમ્ અન્તર્ દેવેષુ નિધ્રુવિઃ ॥

વજ્રમ્ એકો બિભર્તિ હસ્ત આહિતં તેન વૃત્રાણિ જિઘ્નતે ॥

તિગ્મમ્ એકો બિભર્તિ હસ્ત આયુધં શુચિર્ ઉગ્રો જલાષભેષજઃ ॥

પથ એકઃ પીપાય તસ્કરો યથાઁ એષ વેદ નિધીનામ્ ॥

ત્રીણ્ય્ એક ઉરુગાયો વિ ચક્રમે યત્ર દેવાસો મદન્તિ ॥

વિભિર્ દ્વા ચરત એકયા સહ પ્ર પ્રવાસેવ વસતઃ ॥

સદો દ્વા ચક્રાતે ઉપમા દિવિ સમ્રાજા સર્પિરાસુતી ॥

અર્ચન્ત એકે મહિ સામ મન્વત તેન સૂર્યમ્ અરોચયન્ ॥