ઋગ્વેદ · અધ્યાય 10.154

સોમ એકેભ્યઃ પવતે ઘૃતમ્ એક ઉપાસતે ।
યેભ્યો મધુ પ્રધાવતિ તાઁશ્ ચિદ્ એવાપિ ગચ્છતાત્ ॥

તપસા યે અનાધૃષ્યાસ્ તપસા યે સ્વર્ યયુઃ ।
તપો યે ચક્રિરે મહસ્ તાઁશ્ ચિદ્ એવાપિ ગચ્છતાત્ ॥

યે યુધ્યન્તે પ્રધનેષુ શૂરાસો યે તનૂત્યજઃ ।
યે વા સહસ્રદક્ષિણાસ્ તાઁશ્ ચિદ્ એવાપિ ગચ્છતાત્ ॥

યે ચિત્ પૂર્વ ઋતસાપ ઋતાવાન ઋતાવૃધઃ ।
પિતૄન્ તપસ્વતો યમ તાઁશ્ ચિદ્ એવાપિ ગચ્છતાત્ ॥

સહસ્રણીથાઃ કવયો યે ગોપાયન્તિ સૂર્યમ્ ।
ઋષીન્ તપસ્વતો યમ તપોજાઁ અપિ ગચ્છતાત્ ॥