ઋગ્વેદ · અધ્યાય 10.152

શાસ ઇત્થા મહાઁ અસ્ય્ અમિત્રખાદો અદ્ભુતઃ ।
ન યસ્ય હન્યતે સખા ન જીયતે કદા ચન ॥

સ્વસ્તિદા વિશસ્ પતિર્ વૃત્રહા વિમૃધો વશી ।
વૃષેન્દ્રઃ પુર એતુ નઃ સોમપા અભયંકરઃ ॥

વિ રક્ષો વિ મૃધો જહિ વિ વૃત્રસ્ય હનૂ રુજ ।
વિ મન્યુમ્ ઇન્દ્ર વૃત્રહન્ન્ અમિત્રસ્યાભિદાસતઃ ॥

વિ ન ઇન્દ્ર મૃધો જહિ નીચા યચ્છ પૃતન્યતઃ ।
યો અસ્માઁ અભિદાસત્ય્ અધરં ગમયા તમઃ ॥

અપેન્દ્ર દ્વિષતો મનો ઽપ જિજ્યાસતો વધમ્ ।
વિ મન્યોઃ શર્મ યચ્છ વરીયો યવયા વધમ્ ॥