ઋગ્વેદ · અધ્યાય 1.069

શુક્રઃ શુશુક્વાઁ ઉષો ન જારઃ પપ્રા સમીચી દિવો ન જ્યોતિઃ ॥

પરિ પ્રજાતઃ ક્રત્વા બભૂથ ભુવો દેવાનામ્ પિતા પુત્રઃ સન્ ॥

વેધા અદૃપ્તો અગ્નિર્ વિજાનન્ન્ ઊધર્ ન ગોનાં સ્વાદ્મા પિતૂનામ્ ॥

જને ન શેવ આહૂર્યઃ સન્ મધ્યે નિષત્તો રણ્વો દુરોણે ॥

પુત્રો ન જાતો રણ્વો દુરોણે વાજી ન પ્રીતો વિશો વિ તારીત્ ॥

વિશો યદ્ અહ્વે નૃભિઃ સનીળા અગ્નિર્ દેવત્વા વિશ્વાન્ય્ અશ્યાઃ ॥

નકિષ્ ટ એતા વ્રતા મિનન્તિ નૃભ્યો યદ્ એભ્યઃ શ્રુષ્ટિં ચકર્થ ॥

તત્ તુ તે દંસો યદ્ અહન્ સમાનૈર્ નૃભિર્ યદ્ યુક્તો વિવે રપાંસિ ॥

ઉષો ન જારો વિભાવોસ્રઃ સંજ્ઞાતરૂપશ્ ચિકેતદ્ અસ્મૈ ॥

ત્મના વહન્તો દુરો વ્ય્ ઋણ્વન્ નવન્ત વિશ્વે સ્વ1ર્ દૃશીકે ॥