ઋગ્વેદ · અધ્યાય 1.065

પશ્વા ન તાયું ગુહા ચતન્તં નમો યુજાનં નમો વહન્તમ્ ॥

સજોષા ધીરાઃ પદૈર્ અનુ ગ્મન્ન્ ઉપ ત્વા સીદન્ વિશ્વે યજત્રાઃ ॥

ઋતસ્ય દેવા અનુ વ્રતા ગુર્ ભુવત્ પરિષ્ટિર્ દ્યૌર્ ન ભૂમ ॥

વર્ધન્તીમ્ આપઃ પન્વા સુશિશ્વિમ્ ઋતસ્ય યોના ગર્ભે સુજાતમ્ ॥

પુષ્ટિર્ ન રણ્વા ક્ષિતિર્ ન પૃથ્વી ગિરિર્ ન ભુજ્મ ક્ષોદો ન શમ્ભુ ॥

અત્યો નાજ્મન્ સર્ગપ્રતક્તઃ સિન્ધુર્ ન ક્ષોદઃ ક ઈં વરાતે ॥

જામિઃ સિન્ધૂનામ્ ભ્રાતેવ સ્વસ્રામ્ ઇભ્યાન્ ન રાજા વનાન્ય્ અત્તિ ॥

યદ્ વાતજૂતો વના વ્ય્ અસ્થાદ્ અગ્નિર્ હ દાતિ રોમા પૃથિવ્યાઃ ॥

શ્વસિત્ય્ અપ્સુ હંસો ન સીદન્ ક્રત્વા ચેતિષ્ઠો વિશામ્ ઉષર્ભુત્ ॥

સોમો ન વેધા ઋતપ્રજાતઃ પશુર્ ન શિશ્વા વિભુર્ દૂરેભાઃ ॥