ઋગ્વેદ · અધ્યાય 1.003

અશ્વિના યજ્વરીર્ ઇષો દ્રવત્પાણી શુભસ્ પતી ।
પુરુભુજા ચનસ્યતમ્ ॥

અશ્વિના પુરુદંસસા નરા શવીરયા ધિયા ।
ધિષ્ણ્યા વનતં ગિરઃ ॥

દસ્રા યુવાકવઃ સુતા નાસત્યા વૃક્તબર્હિષઃ ।
આ યાતં રુદ્રવર્તની ॥

ઇન્દ્રા યાહિ ચિત્રભાનો સુતા ઇમે ત્વાયવઃ ।
અણ્વીભિસ્ તના પૂતાસઃ ॥

ઇન્દ્રા યાહિ ધિયેષિતો વિપ્રજૂતઃ સુતાવતઃ ।
ઉપ બ્રહ્માણિ વાઘતઃ ॥

ઇન્દ્રા યાહિ તૂતુજાન ઉપ બ્રહ્માણિ હરિવઃ ।
સુતે દધિષ્વ નશ્ ચનઃ ॥

ઓમાસશ્ ચર્ષણીધૃતો વિશ્વે દેવાસ આ ગત ।
દાશ્વાંસો દાશુષઃ સુતમ્ ॥

વિશ્વે દેવાસો અપ્તુરઃ સુતમ્ આ ગન્ત તૂર્ણયઃ ।
ઉસ્રા ઇવ સ્વસરાણિ ॥

વિશ્વે દેવાસો અસ્રિધ એહિમાયાસો અદ્રુહઃ ।
મેધં જુષન્ત વહ્નયઃ ॥

પાવકા નઃ સરસ્વતી વાજેભિર્ વાજિનીવતી ।
યજ્ઞં વષ્ટુ ધિયાવસુઃ ॥

ચોદયિત્રી સૂનૃતાનાં ચેતન્તી સુમતીનામ્ ।
યજ્ઞં દધે સરસ્વતી ॥

મહો અર્ણઃ સરસ્વતી પ્ર ચેતયતિ કેતુના ।
ધિયો વિશ્વા વિ રાજતિ ॥