રેવાખાણ્ડ (સંશોધિત પાઠ) · અધ્યાય 86

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે સોમનાથતીર્થમાહાત્મ્યવર્ણનં નામ પઞ્ચાશીતિતમો ઽધ્યાયઃ ॥
ર્ક્વ્ અધ્યાય 86
શ્રીમાર્કણ્ડેય ઉવાચ:
તતો ગચ્છેન્મહારાજ પિઙ્ગલાવર્તમ્ ઉત્તમમ્ ।
સઙ્ગમસ્ય સમીપસ્થં રેવાયા ઉત્તરે તટે ।
હવ્યવાહેન રાજેન્દ્ર સ્થાપિતઃ પિઙ્ગલેશ્વરઃ

યુધિષ્ઠિર ઉવાચ:
હવ્યવાહેન ભગવન્નીશ્વરઃ સ્થાપિતઃ કથમ્ ।
એતદાખ્યાહિ મે સર્વં પ્રસાદાદ્ વક્તુમ્ અર્હસિ

માર્કણ્ડેય ઉવાચ:
શમ્ભુના રેતસા રાજંસ્તર્પિતો હવ્યવાહનઃ ।
પ્રાપ્તસૌખ્યેન રૌદ્રેણ ગૌર્યાક્રીડનચેતસા

હવ્યવાહમુખે ક્ષિપ્તં રુદ્રેણામિતતેજસા ।
રુદ્રસ્ય રેતસા દગ્ધસ્ તીર્થયાત્રાકૃતાદરઃ

સાગરાંશ્ચ નદીર્ગત્વા ક્રમાદ્રેવાં સમાગતઃ ।
ચચાર પરયા ભક્ત્યા ધ્યાનમુગ્રં હુતાશનઃ

વાયુભક્ષઃ શતં સાગ્રં યાવત્તેપે હુતાશનઃ ।
તાવત્તુષ્ટો મહાદેવો વરદો જાતવેદસઃ ।
સંનિધૌ સમુપેત્યાથ વચનં ચેદમ્ અબ્રવીત્

ઈશ્વર ઉવાચ:
વરં વૃણીષ્વ હવ્યાશ યસ્તે મનસિ વર્તતે

વહ્નિર્ ઉવાચ:
નમસ્તે સર્વલોકેશ ઉગ્રમૂર્તે નમો ઽસ્તુ તે ।
રેતસા તવ સંદગ્ધઃ કુષ્ઠી જાતો મહેશ્વર ।
કૃપાં કુરુ મહાદેવ મમ રોગં વિનાશય

ઈશ્વર ઉવાચ:
હવ્યવાહ ભવારોગો મત્પ્રસાદાચ્ચ સત્વરમ્ ।
અત્ર તીર્થે કૃતસ્નાનઃ સ્વરૂપં પ્રતિપત્સ્યસે

ઇત્યુક્ત્વા ચ મહાદેવસ્તત્રૈવાન્તરધીયત ।
અનન્તરં હવ્યવાહઃ સસ્નૌ રેવાજલે ત્વરન્

તદૈવ રોગનિર્મુક્તો ઽભવદ્દિવ્યસ્વરૂપવાન્ ।
સ્થાપયામાસ દેવેશં સ વહ્નિઃ પિઙ્ગલેશ્વરમ્

નામ્ના સંપૂજયામાસ તુષ્ટાવ સ્તુતિભિર્મુદા ।
તતો જગામ દેશં સ્વં દેવાનાં હવ્યવાહનઃ

હવ્યવાહેન ભૂપૈવં સ્થાપિતઃ પિઙ્ગલેશ્વરઃ ।
જિતક્રોધો હિ યસ્તત્ર ઉપવાસં સમાચરેત્

અતિરાન્ત્રફલં તસ્ય અન્તે રુદ્રત્વમાપ્નુયાત્ ।
ગુણાન્વિતાય વિપ્રાય કપિલાં તત્ર ભારત

અલંકૃત્ય સવત્સાં ચ શક્ત્યાલઙ્કારભૂષિતામ્ ।
યઃ પ્રયચ્છતિ રાજેન્દ્ર સ ગચ્છેત્પરમાં ગતિમ્