રત્નગુણસંચયગાથા · શ્લોક 32.5-1

લોકં પ્રાપયિતું સુખેન પદવીં સંપદ્દૂયાવાહિનીં કારુણ્યાહિતચેતસા ભગવતા બુદ્ધેન સંદીપિતમ્
શ્રુત્વા તે ઽખિલધર્મતત્ત્વનિલયં સૂત્રં સમાદાનતો ગત્વા સ્થાનમહર્નિશં નિજમલં ધ્માયન્તુ યે ઽભ્યાગતાઃ ॥

કાલે ઽસ્મિન્ બહુદૃષ્ટિસંકુલકલૌ પાઠે ઽપિ દૂરં ગતે ગાથાભેદમનેકપુસ્તકગતં દૃષ્ટ્વાધુના ન્યાયતઃ
કૂપં વાદિગજેન્દ્રકુમ્ભદરણે ભદ્રેણ યા શોધિતા લોકાર્થં હરિણા મયા સુવિહિતા સેયં બુધૈર્ગૃહ્યતામ્ ॥

યો ઽસૌ ધર્મં સુગતગદિતં પઠતે ભક્તિભાવાન્ માત્રાહીનં કથમપિ પદં પાદગાથાક્ષરં વા
જિહ્વાદોષૈઃ પવનચરિતૈઃ શ્લેષ્મદોષપ્રચારૈર્ યૂયં બુદ્ધાઃ સુભવનગતા બોધિસત્ત્વાઃ ક્ષમધ્વમ્ ॥