રત્નગુણસંચયગાથા · અધ્યાય 22

તસ્મા હુ માનુ નિહનિત્વન પણ્ડિતેન ગુરુઆશયેન વરબોધિ ગવેષમાણઃ
વૈદ્યો વ આતુર સ્વરોગચિકિત્સનાર્થં કલ્યાણમિત્ર ભજિતવ્ય અતન્દ્રિતેન ॥

બુદ્ધા ય બોધિવરપ્રસ્થિત બોધિસત્ત્વા કલ્યાણમિત્ર ઇમિ પારમિતા નિદિષ્ટાઃ
તે ચાનુશાસક ઇયં પ્રતિપત્તિભૂમી દુવિ કારણેન અનુબુધ્યતિ બુદ્ધબોધિમ્ ॥

અતિક્રાન્તનાગત જિના સ્થિત યે દિશાસુ સર્વેષુ માર્ગુ અયુ પારમિતા અનન્યો
ઓભાસ ઉલ્ક વરબોધયિ પ્રસ્થિતાનામ્ આલોક શાસ્ત્રિ ઇમિ પારમિતા પ્રદિષ્ટાઃ ॥

યથ પ્રજ્ઞપારમિત શૂન્યત લક્ષણેન તથલક્ષણા ય ઇમિ જાનતિ સર્વધર્માન્
શૂન્યાનલક્ષણ પ્રજાનયમાન ધર્માન્ એવં ચરન્તુ ચરતી સુગતાન પ્રજ્ઞામ્ ॥

આહારકામ પરિકલ્પયમાન સત્ત્વાઃ સંસારિ યુક્તમનસઃ સદ સંસ્મરન્તિ
અહુ મહ્ય ધર્મ ઉભિ એતિ અભૂત શૂન્યા આકાશગણ્ઠિ અયુ આત્મન બદ્ધ બાલે ॥

યથ શઙ્કિતેન વિષસંજ્ઞત અભ્યુપૈતિ નો ચાસ્ય કોષ્ઠગતુ સો વિષુ પાત્યતે ચ
એમેવ બાલુપગતો અહુ મહ્ય એષો અહસંજ્ઞિ જાયિ મ્રિયતે ચ સદા અભૂતો ॥

યથ ઉદ્ગ્રહો તથ પ્રકાશિતુ સંકિલેશો વ્યોદાન ઉક્ત અહુ મહ્ય અનોપલબ્ધિ
ન હિ અત્ર કશ્ચિ યો ક્લિશ્યતિ શુધ્યતે વા પ્રજ્ઞાય પારમિત બુધ્યતિ બોધિસત્ત્વે ॥

યાવન્ત સત્ત્વ નિખિલે ઇહ જમ્બુદ્વિપે તે સર્વિ બોધિવરચિત્ત ઉપાદયિત્વા
દાનં દદિત્વ બહુવર્ષસહસ્રકોટીઃ સર્વં ચ નામયિ જગાર્થનિદાન બોધૌ ॥

યશ્ચૈઅવ પ્રજ્ઞવરપારમિતાભિયુક્તો દિવસં પિ અન્તમશ એકનુવર્તયેયા
કલપુણ્ય સો ન ભવતી ઇહ દાનસ્કન્ધો તદતન્દ્રિતેન સદ ઓસરિતવ્ય પ્રજ્ઞા ॥

ચરમાણુ પ્રજ્ઞવરપારમિતાય યોગી મહતીં જનેતિ કરુણાં ન ચ સત્ત્વસંજ્ઞા
તદ ભોન્તિ સર્વજગતી વિદુ દક્ષિણીયા સતતં અમોઘુ પરિભુઞ્જતિ રાષ્ટ્રપિણ્ડમ્ ॥

ચિરબુદ્ધદેવમનુજાન્ ત્રિઅપાયિ સત્ત્વાન્ પરિમોચિતું ય ઇહ ઇચ્છતિ બોધિસત્ત્વો
પૃથુમાર્ગુ તીરુ ઉપદર્શયિ સત્ત્વધાતૌ પ્રજ્ઞાય પારમિત યુક્ત દિવા ચ રાત્રૌ ॥

પુરુષો ય અગ્રુ રતનસ્ય અલબ્ધપૂર્વો અપરસ્મિ કાલિ પુન લબ્ધ્વ ભવેય તુષ્ટો
સ હ લબ્ધ્વ નાશયિ પુનો ઽપિ પ્રમાદભૂતો નાશિત્વ દુઃખિ સતતં રતનાભિકાઙ્ક્ષી ॥

એમેવ બોધિવરપ્રસ્થિત રત્નતુલ્યો પ્રજ્ઞાય પારમિત યોગુ ન રિઞ્ચિતવ્યો
રતનં વ લબ્ધ્વ ગૃહમાણુ અભિન્નસત્ત્વો અનુબુદ્ધયતિ ત્વરિતો શિવમભ્યુપૈતિ ॥