પ્રતીત્યસમુત્પાદહૃદયકારિકા · ભાગ 11

પ્રતીત્યસમુત્પાદહૃદયકારિકા (પ્સ્હ્ક્)
નાગાર્જુનકૃતા
દ્વાદશ યે ઽઙ્ગવિશેષા મુનિનોદ્દિષ્ટાઃ પ્રતીત્યસમ્ભૂતાઃ ।
તે ક્લેશકર્મદુઃખેષુ સઙ્ગૃહીતાસ્ત્રિષુ યથાવત્
આદ્યાષ્ટમનવમાઃ સ્યુઃ ક્લેશાઃ કર્મ દ્વિતીયદશમૌ ચ ।
શેષાઃ સપ્ત ચ દુઃખં ત્રિસઙ્ગ્રહા દ્વાદશ તુ ધર્માઃ
ત્રિભ્યો ભવતિ દ્વન્દ્વં દ્વન્દ્વાત્પ્રભવન્તિ સપ્ત સપ્તભ્યઃ ।
ત્રય ઉદ્ભવન્તિ ભૂયસ્તદેવ[તુ] ભ્રમતિ ભવચક્રમ્
હેતુફલઞ્ચ[હિ]સર્વં જગદન્યો નાસ્તિ કશ્ચિદિહ સત્ત્વઃ ।
શૂન્યેભ્ય એવ શૂન્યા ધર્માઃ પ્રભવન્તિ ધર્મેભ્યઃ
સ્વાધ્યાયદીપમુદ્રાદર્પણઘોષ ઽર્કકાન્તબીજામ્લૈઃ ।
સ્કન્ધપ્રતિસન્ધિરસઙ્ક્રમશ્ચ વિદ્વદ્ભિરવધાર્યૌ
ય ઉચ્છેદં પ્રકલ્પયત્યતિસૂક્ષ્મે ઽપિ વસ્તુનિ ।
પ્રતીત્યસમ્ભવસ્યાર્થમવિજ્ઞઃ સ ન પશ્યતિ
નાપનેયમતઃ કિઞ્ચિત્ પ્રક્ષેપ્યં નાપિ કિઞ્ચન ।
દ્રષ્ટવ્યં ભૂતતો ભૂતં ભૂતદર્શી વિમુચ્યતે
પ્રતીત્યસમુત્પાદહૃદયકારિકા આચાર્ય નાગાર્જુનકૃતા સમાપ્તા ।