પ્રજ્ઞાપારમિતાહૃદયસૂત્ર · ભાગ 11

પ્રજ્ઞાપારમિતા-હૃદય-સૂત્ર
ઓં નમો ભગવત્યૈ આર્ય-પ્રજાપારમિતાયૈ!
આર્ય આવલોકિતેશ્વરો બોધિસત્ત્વો ગમ્ભીરં
પ્રજ્ઞાપારમિતા-ચાર્યાં ચરમાણો
વ્યવલોકયતિ સ્મ, પઞ્ચ-સ્કન્ધાસ્ તાંશ્ ચ
સ્વભાવ-શૂન્યાન્ પશ્યતિ સ્મ.
ઇહ શારિપુત્ર રૂપં શૂન્યતા, શૂન્યત્ઽઐવ રૂપં,
રૂપાન્ ન પૃથક્ શૂન્યતા,
શૂન્યતાયા ન પૃથગ્ રૂપં,
યદ્ રૂપં સા શૂન્યતા,
યા શૂન્યતા તદ્ રૂપં.
એવમ્ એવ વેદના-સંજ્ઞા-સંસ્કારા-વિજ્ઞાનમ્.
ઇહ શારિપુત્ર સર્વ-ધર્માઃ શૂન્યતા-લક્ષણા
અનુત્પન્ના અનિરુદ્ધા અમલા અવિમલા અનૂના અપરિપૂર્ણાઃ.
તસ્માચ્ છારિપુત્ર શૂન્યતાયાં ન રૂપં
ન વેદના ન સંજ્ઞા ન સંસ્કારાઃ ન વિજ્ઞાનં,
ન ચક્ષુઃ-શ્રોત્ર-ઘ્રાણ-જિહ્વા-કાય-મનાંસિ,
ન રૂપ-શબ્દ-ગન્ધ-રસ-સ્પ્રષ્ટવ્ય-ધર્માઃ,
ન ચક્ષુર્-ધાતુર્ યાવન્ ન મનો-વિજ્ઞાન-ધાતુઃ,
ન્ઽઆવિદ્યા ન્ઽઆવિદ્યા-ક્ષયો યાવન્ ન જરા-મરણં
ન જરા-મરણ-ક્ષયો ન દુઃખ-સમુદય-નિરોધ-માર્ગા
ન જ્ઞાનં ન પ્રાપ્તિર્ ન્ઽઆપ્રાપ્તિઃ.
તસ્માચ્ છારિપુત્ર અપ્રાપ્તિત્વાદ્ બોધિસત્ત્વો
પ્રજ્ઞા-પારમિતામ્ આશ્રિત્ય વિહરત્ય્ અચિત્ત્ઽઆવરણઃ.
ચિત્ત્ઽઆવરણ-નાસ્તિત્વાદ્ અત્રસ્તો
વિપર્યાસ્ઽઆતિક્રાન્તો નિષ્ઠા-નિર્વાણઃ.
ત્રધ્વ-વ્યવસ્થિતાઃ સર્વ-બુદ્ધાઃ
પ્રજ્ઞાપારમિતામ્ આશ્રિત્ય અનુત્તરાં
સમ્યક્-સમ્બોધિમ્ અભિસમ્બુદ્ધાઃ.
તસ્માજ્ જ્ઞાતવ્યં પ્રજ્ઞાપારમિતા મહા-મન્ત્રો
મહા-વિદ્યા-મન્ત્રોઽનુત્તર-મન્ત્રો
સમસમ-મન્ત્રઃ સર્વ-દુઃખ-પ્રશમનઃ સત્યમ્ અમિથ્યત્વાત્.
પ્રજ્ઞાપારમિતાયામ્ ઉક્તો મન્ત્રઃ, તદ્યથા -
ઓં ગતે ગતે પારગતે પારસંગતે બોધિ સ્વાહા.
ઇત્ય્ આર્ય-પ્રજ્ઞાપારમિતા-હૃદયં સમાપ્તમ્.