પ્રજ્ઞાપારમિતાહૃદયસૂત્ર, સંક્ષિપ્તમાતૃકા · ભાગ 11

પ્રજ્ઞાપારમિતાહૃદયસૂત્રમ્ । [સંક્ષિપ્તમાતૃકા ॥]
નમઃ સર્વજ્ઞાય ॥
આર્યાવલોકિતેશ્વરબોધિસત્ત્વો ગમ્ભીરાયાં પ્રજ્ઞાપારમિતાયાં ચર્યાં ચરમાણો વ્યવલોકયતિ સ્મ । પઞ્ચ સ્કન્ધાઃ, તાંશ્ચ સ્વભાવશૂન્યાન્ પશ્યતિ સ્મ ॥
ઇહ શારિપુત્ર રૂપં શૂન્યતા, શૂન્યતૈવ રૂપમ્ । રૂપાન્ન પૃથક્ શૂન્યતા, શૂન્યતાયા ન પૃથગ્ રૂપમ્ । યદ્રૂપં સા શૂન્યતા, યા શૂન્યતા તદ્રૂપમ્ ॥
એવમેવ વેદનાસંજ્ઞાસંસ્કારવિજ્ઞાનાનિ ॥
ઇહં શારિપુત્ર સર્વધર્માઃ શૂન્યતાલક્ષણા અનુત્પન્ના અનિરુદ્ધા અમલા ન વિમલા નોના ન પરિપૂર્ણાઃ । તસ્માચ્છારિપુત્ર શૂન્યતાયાં ન રૂપમ્, ન વેદના, ન સંજ્ઞા, ન સંસ્કારાઃ, ન વિજ્ઞાનાનિ । ન ચક્ષુઃશ્રોત્રઘ્રાણજિહ્વાકાયમનાંસિ, ન રૂપશબ્દગન્ધરસસ્પ્રષ્ટવ્યધર્માઃ । ન ચક્ષુર્ધાતુર્યાવન્ન મનોધાતુઃ ॥
ન વિદ્યા નાવિદ્યા ન વિદ્યાક્ષયો નાવિદ્યાક્ષયો યાવન્ન જરામરણં ન જરામરણક્ષયો ન દુઃખસમુદયનિરોધમાર્ગા ન જ્ઞાનં ન પ્રાપ્તિત્વમ્ ॥
બોધિસત્ત્વસ્ય(શ્ચ?) પ્રજ્ઞાપારમિતામાશ્રિત્ય વિહરતિ ચિત્તાવરણઃ । ચિત્તાવરણનાસ્તિત્વાદત્રસ્તો વિપર્યાસાતિક્રાન્તો નિષ્ઠનિર્વાણઃ । ત્ર્યધ્વવ્યવસ્થિતાઃ સર્વબુદ્ધાઃ પ્રજ્ઞાપારમિતામાશ્રિત્ય અનુત્તરાં સમ્યક્સંબોધિમભિસંબુદ્ધાઃ ॥
તસ્માજ્જ્ઞાતવ્યઃ પ્રજ્ઞાપારમિતામહામન્ત્રો મહાવિદ્યામન્ત્રો ઽનુત્તરમન્ત્રો ઽસમસમમન્ત્રઃ સર્વદુઃખપ્રશમનઃ સત્યમમિથ્યત્વાત્ પ્રજ્ઞાપારમિતાયામુક્તો મન્ત્રઃ । તદ્યથા - ગતે ગતે પારગતે પારસંગતે બોધિ સ્વાહા ॥
ઇતિ પ્રજ્ઞાપારમિતાહૃદયસૂત્રં સમાપ્તમ્ ॥