ફલદીપિકા · અધ્યાય p18

કર્માજીવ પ્રકરણ
અર્થાપ્તી કથયેદ્વિલગ્નશશિનોઃ પ્રાબલ્યતઃ ખેચરેઃ
કર્મસ્થૈઃ પાતૃમાતૃશાત્રવસુહૃદ્બ્ર્હાત્રાદિભઃ સ્ત્રીધનાત્ ।
ભૃત્યાદ્વા દિનનાથલગ્નશશિનાં મધ્યે બલીયાંસ્તતઃ
કર્મેશસ્થનવામ્શરાશિપવશાદ્વૃત્તિં જગુસ્તદ્વિદઃ

ફલદ્રુમૈર્મન્ત્રજપશ્ચ શાઠ્યાદ્દ્યૂતાનૃતૈઃ કંબલભેષજાદ્યૈઃ
દ્યાતુક્રિયાદ્વા ક્ષિતિપાલપૂજ્યાજ્જીવત્યસૌ પઙ્કજવલ્લભાંશે

જલોદ્ભવાનાં ક્રયવિક્રયેણ કૃષિક્રિયાગોમહિષીસમુત્થૈઃ ।
તીર્થાટનાદ્વા વનિતાશ્રયાદ્વા નિશાકરાંશે વસનક્રયાદ્વા

ભૌમાંશકે ધાતુરણપ્રહારૈર્મહાનસાદ્ભૂમિવશાત્સુવર્ણાત્ ।
પરોપતાપાયુધસાહસૈર્વા મ્લેચ્છાશ્રયાત્સૂચકચોરવૃત્યા

કાવ્યાગમૈર્લેખકલિપ્યુપાયૈર્જ્યોતિર્ગણજ્ઞાનવશાદ્બુધાંશે ।
પરાર્થવેદાધ્યયનાજ્જપાચ્ચ પુરોહિતવ્યાજવશાત્પ્રવૃત્તિઃ

જીવાંશકે ભૂસુરદેવતાનાં સમાશ્રયાદ્ભૂમિપતિપ્રસાદાત્ ।
પુરાણશાસ્ત્રાગમનીતિમાર્ગાદ્ધર્મોપદેશેન કુસીદવૃત્યા

સ્ત્રીસંશ્રયાદ્ગોમહિષીગજાશ્વૈસ્તૌર્યત્રિકૈર્વા રજતૈશ્ચ ગન્ધૈઃ ।
ક્ષીરાદ્યલઙ્કારપટીપટદ્યૈઃ શુક્રાંશકેઽમાત્યગુણૈઃ કવિત્વાત્

શન્યંશકે મૂલફલૈઃ શ્રમેણ પ્રેષ્યૈઃ ખલૈનીર્ચધનૈઃ કુધાન્યૈઃ ।
ભારોદ્વહાત્કુત્સિરમાર્ગવૃત્યા શિલ્પાદિભિર્દારુમયૈર્વધાદ્યૈઃ

અંશેશે બલવત્યયત્નસંપ્રાપ્તિં બલોનેશપે
સ્વલ્પં પ્રોક્તફલં ભવેદુદયતઃ કર્મર્ક્ષદેશે ફલમ્ ।
અંશસ્યોક્તદિશં વદેત્પતિયુતે દૃષ્ટે સ્વદેશે ફલં
સત્યન્યૈઃ પરદેશજં તદધિપસ્યાંશે સ્વદેશે સ્થિરે