પરાત્રિંશિકા · અધ્યાય 1

શ્રીદેવ્ય્ ઉવાચ ।
અનુત્તરં કથં દેવ સ્વતઃ કૌલિકસિદ્ધિદમ્ ।
યેન વિજ્ઞાતમાત્રેણ ખેચરીસમતાં વ્રજેત્

એતદ્ ગુહ્યં મહાગુહ્યં કથયસ્વ મમ પ્રભો ।
હૃદયસ્થા તુ યા શક્તિઃ કૌલિની કુલનાયિકા

તામ્ મે કથય દેવેશ યેન તૃપ્તિં વ્રજામ્ય્ અહમ્ ।
શ્રીભૈરવ ઉવાચ ।
શૃણુ દેવિ મહાભગે ઉત્તરસ્યાપ્ય્ અનુત્તરમ્

કથયામિ ન સંદેહઃ સદ્યઃ કૌલિકસિદ્ધિદમ્ ।
કૌલિકો ઽયં વિધિર્ દેવિ મમ હૃદ્વ્યોમ્ન્ય્ અવસ્થિતઃ

અથાદ્યાસ્ તિથયઃ સર્વે સ્વરા બિન્દ્વવસાનકાઃ ।
તદન્તઃ કાલયોગેન સોમસૂર્યૌ પ્રકીર્તિતૌ

પૃથિવ્યાદીનિ તત્ત્વાનિ પુરુષાન્તાનિ પઞ્ચસુ ।
ક્રમાત્ કાદિષુ વર્ગેષુ મકારાન્તેષુ સુવ્રતે

વાય્વગ્નિસલિલેન્દ્રાણાં ધારણાનાં ચતુષ્ટયમ્ ।
તદૂર્ધ્વે શાદિવિખ્યાતમ્ પુરસ્તાદ્ બ્રહ્મપઞ્ચકમ્

અમૂલા તત્ક્રમા જ્ઞેયા ક્ષાન્તા સૃષ્ટિર્ ઉદાહૃતા ।
સર્વેષાં ચૈવ મન્ત્રાણાં વિદ્યાનાં ચ યશસ્વિનિ

ઇયં યોનિઃ સમાખ્યાતા સર્વતન્ત્રેષુ સર્વદા ।
ચતુર્દશયુતં ભદ્રે તિથીશાન્તસમન્વિતમ્ ।
તૃતીયમ્ બ્રહ્મ સુશ્રોણિ હૃદયમ્ ભૈરવાત્મનઃ

એતન્ ના યોગિનીજાતો ના રુદ્રો લભતે સ્ફુટમ્ ।
હૃદયં દેવદેવસ્ય સદ્યો યોગવિમોક્ષદમ્

અસ્યોચ્ચારે કૃતે સમ્યઙ્ મન્ત્રમુદ્રાગણો મહાન્ ।
સદ્યઃ સન્મુખતામ્ એતિ સ્વદેહાવેશલક્ષણમ્

મુહૂર્તં સ્મરતે યસ્ તુ ચુમ્બકે નાભિમુદ્રિતઃ ।
સ બધ્નાતિ તદા દેહં મન્ત્રમુદ્રાગણં નરઃ

અતીતાનાગતાનર્થાન્ પૃષ્ટો ઽસૌ કથયત્ય્ અપિ ।
પ્રહરાદ્ યદ્ અભિપ્રેતં દેવતારૂપમ્ ઉચ્ચરન્

સક્ષાત્ પશ્યત્ય્ અસંદિગ્ધમ્ આકૃષ્ટં રુદ્રસક્તિભિઃ ।
પ્રહરદ્વયમાત્રેણ વ્યોમસ્થો જાયતે સ્મરન્

ત્રયેણ માતરઃ સર્વા યોગેસ્વર્યો મહાબલાઃ ।
વીરા વીરેસ્વરાઃ સિદ્ધા બલવાન્ શાકિનીગણઃ

આગત્ય સમયં દત્ત્વા ભૈરવેણ પ્રચોદિતાઃ ।
યચ્છન્તિ પરમાં સિદ્ધિં ફલં યદ્ વા સમીહિતમ્

અનેન સિદ્ધાઃ સેત્સ્યન્તિ સાધયન્તિ ચ મન્ત્રિણઃ

યત્કિંચિદ્ ભૈરવે તન્ત્રે સર્વમ્ અસ્માત્ પ્રસિધ્યતિ ।
મન્ત્રવીર્યસમાવેશપ્રભાવાન્ ન નિયન્ત્રિણા

અદૃષ્ટમ.ઙ્દલો ઽપ્ય્ એવમ્ યઃ કશ્ચિદ્ વેત્તિ તત્ત્વતઃ ।
સ સિદ્ધિભાગ્ ભવેન્ નિત્યં સ યોગી સ ચ દીક્ષીતઃ

અનેન જ્ઞાતમાત્રેણ જ્ઞાયતે સર્વશક્તિભિઃ ।
શાકિનીકુલસામાન્યો ભવેદ્ યોગં વિનાપિ હિ

અવિધિજ્ઞો વિધાનજ્ઞો જાયતે યજનં પ્રતિ ।
કાલાગ્નિમ્ આદિતઃ કૃત્વા માયાન્તમ્ બ્રહ્મદેહગમ્

શિવો વિશ્વદ્યનન્તાન્તઃ પરં શક્તિત્રયં મતમ્ ।
તદન્તર્ વર્તિ યત્કિંચિચ્ છુદ્ધમાર્ગે વ્યવસ્થિતમ્

અણુર્ વિશુદ્ધમ્ અચિરાદ્ ઐસ્વરં જ્ઞાનમ્ અશ્નુતે ।
તચ્ચોદકઃ શિવો જ્ઞેયઃ સર્વજ્ઞઃ પરમેશ્વરઃ

સર્વગો નિર્મલઃ સ્વચ્છસ્ તૃપ્તઃ સ્વાયતનઃ શુચિઃ ।
યથા ન્યગ્રોધબીજસ્થઃ શક્તિરૂપો મહાદ્રુમઃ

તથા હૃદયબીજસ્થં જગદ્ એતચ્ ચરાચરમ્ ।
એવં યો વેત્તિ તત્ત્વેન તસ્ય નિર્વાણગામિની

દીક્ષા ભવત્ય્ અસંદિગ્ધા તિલાજ્યાહુતિવર્જિતા ।
મૂર્ધ્નિ વક્ત્રે ચ હૃદયે ગુહ્યે મુર્તૌ તથૈવ ચ

ન્યાસં ક્ર્ત્વા શિખાં બદ્ધ્વા સપ્તવિંસતિમન્ત્રિતામ્ ।
એકૈકેન દિશાં બન્ધં દશાનામ્ અપિ કારયેત્

તાલત્રયમ્ પુરા દત્ત્વા સશબ્દં વિઘ્નશાન્તયે ।
શિખાસંખ્યાભિજપ્તેન તોયેનાભ્યુક્ષયેત્ તતઃ

પુષ્પાદિકં ક્રમાત્ સર્વં લિઙ્ગં વા સ્થ.ઙ્દિલં ચ વા ।
ચતુર્દશાભિજપ્તેન પુષ્પેણાસનકલ્પના

તત્ર સૃષ્ટિં યજેદ્ વીરઃ પુનર્ એવાસનં તતઃ ।
સૃષ્ટિં તુ સમ્પુટીકૃત્ય પશ્ચાદ્ યજનમ્ આરભેત્

સર્વતત્ત્વસુસમ્પૂર્ણામ્ સર્વાવયવશોભિતામ્ ।
યજેદ્ દેવીં મહાભાગા સપ્તવિંશતિમન્ત્રિતામ્

તતઃ સુગન્ધિપુષ્પૈશ્ ચ યથાશક્ત્યા સમર્ચયેત્ ।
પૂજયેત્ પરયા ભક્ત્યા સ્વાત્મનં ચ નિવેદયેત્

એવં યજનમ્ આખ્યાતમ્ અગ્નિકાર્યે ઽપ્ય્ અયં વિધિઃ ।
કૃતપૂજાવિધિઃ સમ્યક્ સ્મરન્ બીજમ્ પ્રસિદ્ધ્યતિ

આદ્યન્તરહિતમ્ બીજં વિકસત્ તિથિમધ્યગમ્ ।
હૃત્પદ્માન્તર્ગતં ધ્યાયેત્ સોમાંશું નિત્યમ્ અભ્યસ્યેત્

યાન્ યાન્ કામયતે કામાંસ્ તાન્ તાઞ્ ચ્છીઘ્રમ્ અવાપ્નુયાત્ ।
અજ્ઞઃ પ્રત્યક્ષતામ્ એતિ સર્વજ્ઞત્વં ન સંશયઃ

એવં મન્ત્રફલાવપ્તિર્ ઇત્ય્ એતદ્ રુદ્રયામલમ્ ।
એતદ્ અભ્યાસતઃ સિદ્ધિઃ સર્વજ્ઞત્વમ્ અવાપ્યતે