પરાત્રિંશિકા (ટીકા સહિત) · અધ્યાય 0

વિમલકલાશ્રયાભિનવસૃષ્ટિમહા જનની ભરિતતનુશ્ ચ પઞ્ચમુખગુપ્તરુચિર્ જનકઃ ।
તદ્ ઉભયયામલસ્ફુરિતભાવવિસર્ગમયં હૃદયમ્ અનુત્તરામૃતકુલં મમ સંસ્ફુરતાત્ ॥

યસ્યામ્ અન્તર્ વિશ્વમ્ એતદ્ વિભાતિ બાહ્યાભાસં ભાસમાનં વિસૃષ્ટૌ ।
ક્ષોભે ક્ષીણે ઽનુત્તરાયાં સ્થિતૌ તાં વન્દે દેવીં સ્વાત્મસંવિત્તિમ્ એકામ્ ॥

નરશક્તિશિવાત્મકં ત્રિકં હૃદયે યા વિનિધાય ભાસયેત્ ।
પ્રણમામિ પરામ્ અનુત્તરાં નિજભાસાં પ્રતિભાચમત્કૃતિમ્ ॥

જયત્ય્ અનર્ઘમહિમા વિપાશિતપશુવ્રજઃ ।
શ્રીમાન્ આદ્યગુરુઃ શમ્ભુઃ શ્રીકણ્ઠઃ પરમેશ્વરઃ ॥

નિજશિષ્યવિબોધાય પ્રબુદ્ધસ્મરણાય ચ ।
મયાભિનવગુપ્તેન શ્રમો ઽયં ક્રિયતે મનાક્ ॥