પરશુરામસ્તોત્રમ્ · અધ્યાય 1

કરાભ્યાં પરશું ચાપં દધાનં રેણુકાત્મજં।
જામદગ્ન્યં ભજે રામં ભાર્ગવં ક્ષત્રિયાન્તકં

નમામિ ભાર્ગવં રામં રેણુકા ચિત્તનન્દનં।
મોચિતંબાર્તિમુત્પાતનાશનં ક્ષત્રનાશનમ્

ભયાર્તસ્વજનત્રાણતત્પરં ધર્મતત્પરમ્।
ગતગર્વપ્રિયં શૂરં જમદગ્નિસુતં મતમ્

વશીકૃતમહાદેવં દૃપ્ત ભૂપ કુલાન્તકમ્।
તેજસ્વિનં કાર્તવીર્યનાશનં ભવનાશનમ્

પરશું દક્ષિણે હસ્તે વામે ચ દધતં ધનુઃ ।
રમ્યં ભૃગુકુલોત્તંસં ઘનશ્યામં મનોહરમ્

શુદ્ધં બુદ્ધં મહાપ્રજ્ઞાપણ્ડિતં રણપણ્ડિતં।
રામં શ્રીદત્તકરુણાભાજનં વિપ્રરંજનમ્

માર્ગણાશોષિતાભ્ધ્યંશં પાવનં ચિરજીવનમ્।
ય એતાનિ જપેન્દ્રામનામાનિ સ કૃતિ ભવેત્

ઇતિ શ્રી પ. પ. શ્રી વાસુદેવાનંદસરસ્વતીવિરચિતં શ્રી પરશુરામ સ્તોત્રં સંપૂર્ણમ્॥