પૈપ્પલાદ-સંહિતા · અધ્યાય 9.7

શીતિજલા ઇતિ શીતા વાતા ઉપા વાન્તુ ।
હિમેનાગ્નિર્ આવૃતો
હિમેનાગ્નિઃ પરીવૃતઃ ॥

ય(ત્) ત્વા દેવા અપારુન્ધન્ન્
આ સમુદ્રમ્ અધાવયઃ ।
હિમો જઘાન ગોઅજં
હિમો અક્ષં હિમશ્ છદિઃ ॥

હિમાદ્ અધિ પ્ર યામસિ
હિમે અદ્ય વિમોચનમ્ ।
યમ્ અવટં શતદરમ્
અવૈન્ધ સપ્તવધ્રયે ॥

અવકા તત્ર રોહતુ
ખદે પરિ બિલં તવ ।
અર્ચિષ્ ટે અગ્ને પ્રથમમ્
અઙ્ગારાઁ અપરાઁ ઉત ॥

ગૃભ્ણામિ બ્રહ્મણા નામ
ધામધામ પરુષ્પરુઃ ।
શીતિકા નામ તે માતા
જલાષો નામ તે પિતા ॥

ઇહ ત્વમ્ અન્તરા ભવ
બાહિકમ્ અસ્તુ યદ્ રપઃ ।
હિમે જાતોદકે વૃદ્ધા
સિન્ધુતસ્ પર્ય્ આભૃતા ।
તયા તે અગ્રભં નામ-
-અશ્વમ્ ઇવાશ્વાભિધાન્યા ॥

આમા નામાસ્ય્ ઓષધે
તસ્યાસ્ તે નામ જગ્રભ ।
અગસ્ત્યસ્ય પુત્રાસો
મા વિ ધાક્ પુરુષાન્ મમ ॥

મા નો અગ્ને તન્વં
મા વાસાંસિ રીરિષઃ ।
યં ત્વા સમુદ્રજ વયમ્
આરોહામ સ્વસ્તયે ॥

દિવસ્ તારા અવાપદ્રન્
ધારાત્ સમુદ્રિયા અપઃ ।
હિરણ્યકુમ્ભો હરિતો
ઽવકાભિઃ પરિવૃતસ્
તેનાગ્નિં શમયામસિ ॥

શમયામ્ય્ અર્ચિર્ અગ્નેઃ
શિવસ્ તપતુ મા વિ ધાક્ ।
ગૃભીતે દ્યાવાપૃથિવી
ગૃભીતં પાર્થિવં રજઃ ॥

નિ મુઞ્જેષુ યદ્ ઉદકં
નિ નડેષુ યદ્ અન્તરમ્ ।
યત્ સમુદ્રે યત્ સિન્ધૌ
તેનાગ્નિં શમયામસિ ॥

વેતસસ્યાવકાયા
નડસ્ય વીરણસ્ય ચ ।
રોહિતકસ્ય વૃક્ષસ્ય-
-અગ્નિં શમનમ્ ઉદ્ ભરે ॥

આયતીર્ ઉદહાર્યો
વિ તે હરન્તુ યદ્ રપઃ ।
પરાયતીઃ પરાવતઃ
પરા હરન્તુ યદ્ રપઃ ॥

હિમસ્ય ત્વા જરાયુણ-
-અગ્ને પરિ વ્યયામસિ ।
શીતિકે શીતમ્ ઇત્ કરો
હિમિકે હિમમ્ ઇત્ કરઃ ॥