પૈપ્પલાદ-સંહિતા · અધ્યાય 9.19

બ્રહ્મગવી પચ્યમાના
યાવત્ સાભિ વિજઙ્ગહે ।
તેજો રાષ્ટ્રસ્ય નિર્ હન્તિ
ન વીરો જાયતે પુમાન્ ॥

આક્રમણેન વૈ દેવા
દ્વિષન્તો ઘ્નન્તિ પૂરુષમ્ ।
સ્તેયાદં બ્રહ્મજ્યં
ક્ષેત્રે ચાનૃતવાદિનમ્ ॥

વિષમ્ એતદ્ દેવકૃતં
રાજા વરુણો અબ્રવીત્ ।
ન બ્રાહ્મણસ્ય ગાં જગ્ધ્વા
રાષ્ટ્રે જાગાર કશ્ ચન ॥

તદ્ વૈ રાષ્ટ્રમ્ આ સ્રવતિ
ભિન્નાં નાવમ્ ઇવોદકમ્ ।
બ્રાહ્મણો યત્ર જીયતે
તદ્ રાષ્ટ્રં હન્તિ દુચ્છુના ॥

એકશતં વૈ જનતા
ભૂમિર્ યા વ્યધૂનુત ।
પ્રજાં હિંસિત્વા બ્રાહ્મણીમ્
અસંભવ્યં પરાભવન્ ॥

યામ્ ઉદાજન્ન્ ઋષયો મનીષિણઃ
શ્રમસાતાં બૃહતીં દેવજૂતામ્ ।
સા બ્રહ્મજ્યં પચતિ પચ્યમાના
રાષ્ટ્રમ્ અસ્ય બૃહતી યચ્ ચ વર્ચઃ ॥

વાચા બ્રાહ્મણમ્ ઋચ્છતિ
જામિ હન્ત્ય્ અચિત્ત્યા ।
મિત્રાય સત્યે દ્રુહ્યતિ
યં દેવા ઘ્નન્તિ પૂરુષમ્ ॥