પૈપ્પલાદ-સંહિતા · અધ્યાય 8.6

આ પશ્યસિ પ્રતિ પશ્યસિ
પરા પશ્યસિ પશ્યસિ ।
દ્યામ્ અન્તરિક્ષમ્ આદ્ ભૂમિં
તત્ સર્વં દેવિ પશ્યસિ ॥

તિસ્રો દિવસ્ તિસ્રઃ પૃથિવીઃ
ષટ્ ચેમઃ પ્રદિશો મહીઃ ।
તયાહં સર્વાન્ યાતૂન્
પશ્યાનિ દેવ્ય્ ઓષધે ॥

સુપર્ણસ્ય દિવ્યસ્ય
તસ્ય હાસિ કનીનિકા ।
સા ભૂમિમ્ આ રુરોહિથ
વહ્યં શ્રાન્તા વધૂર્ ઇવ ॥

તાં મે સહસ્રાક્ષો દેવો
દક્ષિણે હસ્ત આ દધત્ ।
તયાહં સર્વં પશ્યામિ
યદ્ ભૂતં યચ્ ચ ભાવ્યમ્ ॥

યથા શ્વા ચતુરક્ષો
યથાશ્વઃ શ્યાવો ઽર્વતામ્ ।
યથાગ્નિર્ વિશ્વતઃ પ્રત્યઙ્ઙ્
એવા ત્વમ્ અસ્ય્ ઓષધે ॥

કશ્યપસ્ય ચક્ષુર્ અસિ
શુન્યાશ્ ચતુરક્ષ્યાઃ ।
વીધ્રે સૂર્યમ્ ઇવ સર્પન્તં
મા પિશાચં તિરસ્ કરઃ ॥

દર્શય મા યાતુધાનાન્
દર્શય યાતુધાન્યઃ ।
આપસ્પૃત ઇવ તિષ્ઠન્તં
દર્શય મા કિમીદિનમ્ ॥

ઉદ્ અગ્રભં પરિપાણં
યાતુધાનાત્ કિમીદિનઃ ।
તેનાહં સર્વં પશ્યાન્ય્
ઉત શૂદ્રમ્ ઉતાર્યમ્ ॥

યથા સૂર્યશ્ ચન્દ્રમાશ્ ચ
વિશ્વા ભૂતા વિપશ્યતઃ ।
એવા વિ પશ્ય તાન્ ત્વમ્
અઘાયુર્ મોપ ગાદ્ ઇહ ॥

યો અન્તરિક્ષેણ પતતિ
ભૂમિં યશ્ ચોપસર્પતિ ।
દિવં યો મન્યતે નાથં
તં પિશાચં દૃશે કુરુ ॥

આવિષ્ કૃણુષ્વ રૂપાણિ
માત્માનમ્ અપ ગૂહથાઃ ।
અધા સહસ્રચક્ષો ત્વં
પ્રતિ પશ્યાસ્ય્ આયતઃ ॥