પૈપ્પલાદ-સંહિતા · અધ્યાય 8.18

સંયુજ્યન્તઃ પ્રકૃષન્તો
યદ્ વો દેવા ઉપોચિરે ।
તામ્ એભ્યઃ સત્યામ્ આશિષમ્
ઇન્દ્ર ખલ્વાં સમ્ અર્ધય ॥

અનડ્વાહઃ સત્યાવાનઃ
સીરં કૃણોતુ મે વચઃ ।
યત્રાહૈતદ્ ધિતાય તે
તત્ પર્જન્યો ઽભિ વો વૃષત્ ॥

દિવ્યા આપો વઃ શક્વરીર્
અનુ વિ યન્તુ ગહ્વરે ।
ઊર્જસ્વતીર્ ઘૃતવતીઃ પયસ્વતીર્
દૃશે ભવત મા ગુહા ॥

ઉદ્ એહિ વાજિનીવતી
પૂર્ણપાત્રા ત્વિષીમતી ।
દુહાના પૂષરક્ષિતા
કામમ્ એષાં સમ્ આ પૃણ ॥

ઇયં સીતા ફલવતી
શતવલ્શા વિ રોહતુ ।
ઇયં સહસ્રભોગા
અસ્યા ઇન્દ્ર ઉપાવતુ ॥

અશ્વિના ફાલં કલ્પયતામ્
ઉપાવતુ બૃહસ્પતિઃ ।
યથાસદ્ બહુધાન્યમ્
અયક્ષ્મં બહુપૂરુષમ્ ॥

યદ્ વો દેવા ઉપોચિર
ઇહ ભૂયઃ સ્યાદ્ ઇતિ ।
ઇહ તામ્ ઉત્પૃણાં વયં
દેવીમ્ ઉપ હ્વયામહે ॥

ઇદં મ ઉત્ પૃણાદ્ ઇતિ
સ્ફાતિં મ ઉત્ પૃણાદ્ ઇતિ ।
રાશિં મે વર્ધયાદ્ ઇતિ ॥

સ્ફાતિકારો બહુકારઃ
સ્ફિરસ્ફોષ્ઠાયમ્ અક્ષિતઃ ।
ખલો જ્યેષ્ઠો વિભુઃ પ્રભુઃ ॥

તસ્મિન્ ધાન્યં ન્ય્ ઉપ્યતે
યવો વ્રીહિર્ અથો તિલઃ ।
તસ્ય ગૃહ્ણીત યત્ કૃતં
પરિક્ષાય ચતુઃશતમ્ ॥

શર્કારિવન્ મયારવચ્
ચક્રીવત્ કિં ચ યદ્ વૃષે ।
તદ્ વૈ સ્ફાતિર્ ઉપાયતી
સર્વમ્ એવાતિ રિચ્યતે ॥

મહાઞ્જને પરા જહિ
સહસ્રાપોષમ્ અર્દય ।
બહ્વી ન ઓષધે ભવ
સમુદ્રસ્યેવ સંસ્રવઃ ॥