પૈપ્પલાદ-સંહિતા · અધ્યાય 8.15

યો જામદગ્ન્ય ઇહ કૌશિકો ય
આત્રેય ઉત કાશ્યપો યઃ ।
ભરદ્વાજા ગોતમા યે વસિષ્ઠાસ્
તેભ્યઃ પ્ર બ્રૂમ ઇહ કિલ્બિષાણિ ॥

અગસ્ત્યયઃ કણ્વાઃ કુત્સાઃ પ્રસ્રવણા
વિરૂપા ગર્ગા મુદ્ગલા યસ્કાઃ શૂનકાઃ ।
સંકૃતયો બ્રાહ્મણા યે ન દ્રુગ્ધાસ્
તેભ્યઃ પ્ર બ્રૂમ ઇહ કિલ્બિષાણિ ॥

યો નોત્તિષ્ઠાદ્ બ્રાહ્મણે નાધમાને
માન્દ્યેન દૃપ્ત ઉત ધૈર્યેણ ।
વિશ્વે દેવા ઉપદ્રષ્ટારો ઽસ્ય
તસ્મિન્ વિષં સં નયાન્ કિલ્બિષ્યમ્ ॥

યા રોપયઃ કિલ્બિષે બ્રાહ્મણસ્ય
યાનિ ચૈનાંસિ બહુધા દુષ્કૃતાનિ ।
અનુતિષ્ઠન્ પ્રોક્ત આત્મનિ તં નિ ધત્તે
તથા તદ્ દેવા ઉત વેશયન્તિ ॥

નાશ્નીયાન્ ન પિબેન્ ન શયીત
ન નિંસીત જાયાં નોત પુત્રમ્ ।
બ્રહ્મકિલ્બિષે પ્રોક્ત
ઉદ્ એવ તિષ્ઠેત્ સ ઋતસ્ય પન્થાઃ ॥

શતર્ચિનો માધ્યમા યે મહર્ષયઃ
ક્ષુદ્રસૂક્તાનામ્ ઉત યા પ્રજેહ ।
ઋષીણાં યાનિ જનિમાનિ વિદ્મસ્
તેભ્યઃ પ્ર બ્રૂમ ઇહ કિલ્બિષાણિ ॥

સોદર્યાણાં પઞ્ચદશાનાં શતાનાં
ત્રયસ્ત્રિંશદ્ ઉદ્ અશિષ્યન્ત દેવાઃ ।
એકસ્મિન્ વિદ્ધે સર્વે ઽરુપ્યં
તદ્ બ્રાહ્મણે કિલ્બિષમ્ અન્વ્ અવિન્દન્ ॥

તસ્મૈ સ દ્રુહ્યાદ્ ય ઇદં નાયદ્
યો નોત્તિષ્ઠાદ્ યો ન વદાતા અસ્મિન્ ।
બ્રાહ્મણસ્ય કિલ્બિષે નાથિતસ્ય
સોદર્યતામ્ ઇચ્છતો બ્રાહ્મણેષુ ॥

ઉત્તિષ્ઠદ્ બ્રાહ્મણાઃ સં વદધ્વં
જીતં યાચામ પુનર્ ઐતુ સર્વમ્ ।
ઇન્દ્રાગ્ની વિશ્વે દેવાસ્
તે મે જીતં પુનર્ આ વર્તયન્તુ ॥

સ દીર્ઘમ્ આયુષ્ કૃણુતે
સ પ્રજાયૈ ચિકિત્સતિ ।
યો બ્રાહ્મણસ્ય બ્રાહ્મણો
હૂતો અન્વેતિ કિલ્બિષે ॥

નાસ્ય પ્રજાં શર્વો હન્તિ
ન રુદ્રો હન્તિ નાશનિઃ ।
યો બ્રાહ્મણસ્ય બ્રાહ્મણઃ
સત્યે વદતિ કિલ્બિષે ॥

તં સોમપીથો જુષતે
નૃચક્ષા ગ્રાવભિઃ સહ ।
યો બ્રાહ્મણસ્યાસ્તાં હૃદઃ
સૂર્ય ઇવાપાલુપત્ તમઃ ॥

ય ઉત્થાય કિલ્બિષે
બ્રાહ્મણસ્યાન્નસીચ્છન્ન્ અવાયતિ ।
ઉભે એનં દ્યાવાપૃથિવી સં તપતામ્
અથૈત્વ્ અગતસ્ય પન્થામ્ ॥