પૈપ્પલાદ-સંહિતા · અધ્યાય 4.31

પ્રાતર્ અગ્નિં પ્રાતર્ ઇન્દ્રં હવામહે
પ્રાતર્ મિત્રાવરુણા પ્રાતર્ અશ્વિના ।
પ્રાતર્ ભગં પૂષણં બ્રહ્મણસ્પતિં
પ્રાતઃ સોમમ્ ઉત રુદ્રં હુવેમ ॥

પ્રાતર્જિતં ભગમ્ ઉગ્રં હુવેમ
વયં પુત્રમ્ અદિતેર્ યો વિધર્તા ।
આધ્રશ્ ચિદ્ યં મન્યમાનસ્ તુરશ્ ચિદ્
રાજા ચિદ્ યં ભગં ભક્ષીત્ય્ આહ ॥

ભગ પ્રણેતર્ ભગ સત્યરાધો
ભગેમાં ધિયમ્ ઉદ્ અવા દદન્ નઃ ।
ભગ પ્ર ણો જનય ગોભિર્ અશ્વૈર્
ભગ પ્ર નૃભિર્ નૃવન્તઃ સ્યામ ॥

ઉતેદાનીં ભગવન્તઃ સ્યામ-
-ઉત પ્રપિત્વ ઉત મધ્યે અહ્નામ્ ।
ઉતોદિતે મઘવન્ સૂર્યે
વયં દેવાનાં સુમતૌ સ્યામ ॥

ભગ એવ ભગવાઁ અસ્તુ દેવાસ્
તેન વયં ભગવન્તઃ સ્યામ ।
તં ત્વા ભગ સર્વ ઇજ્ જોહવીતિ
સ નો ભગ પુરએતા ભવેહ ॥

સમ્ અધ્વરાયોષસો નમન્ત
દધિક્રાવેવ શુચયે પદાય ।
અર્વાચીનં વસુવિદં ભગં નો
રથમ્ ઇવાશ્વા વાજિન આ વહન્તુ ॥

અશ્વાવતીર્ ગોમતીર્ ન ઉષાસો
વીરવતીઃ સદમ્ ઉચ્છન્તુ ભદ્રાઃ ।
ઘૃતં દુહાના વિશ્વતઃ પ્રપીતા
યૂયં પાત સ્વસ્તિભિઃ સદા નઃ ॥