પૈપ્પલાદ-સંહિતા · અધ્યાય 3.35

યત ઇન્દ્ર ભયામહે
તતો નો અભયં કૃધિ ।
મઘવઞ્ છગ્ધિ તવ ત્વં ન ઊતિભિર્
વિ દ્વિષો વિ મૃધો જહિ ॥

ઇન્દ્રં વયમ્ અનૂરાધં હવામહે
ઽનુ રાધ્યાસ્મ દ્વિપદા ચતુષ્પદા ।
મા નઃ સેના અરરુષીર્ ઉપ ગુર્
વિષૂચીર્ ઇન્દ્ર દ્રુહો વિ નાશય ॥

ઇન્દ્રસ્ ત્રાતોત વૃત્રહા
પરસ્પા નો વરેણ્યઃ ।
સ રક્ષિતા ચરમતઃ સ મધ્યતઃ
સ પશ્ચાત્ સ પુરસ્તાન્ નો અસ્તુ ॥

ઉરું નો લોકમ્ અનુ નેષિ વિદ્વાન્
સ્વર્યજ્ જ્યોતિર્ અભયં સ્વસ્તિ ।
ઉગ્રા ત ઇન્દ્ર સ્થવિરસ્ય બાહૂ
ઉપ ક્ષિયેમ શરણા બૃહન્તા ॥

અભયં નઃ કરત્ય્ અન્તરિક્ષમ્
અભયં દ્યાવાપૃથિવી ઉભે ।
અભયં પશ્ચાદ્ અભયં પુરસ્તાદ્
ઉત્તરાદ્ અધરાદ્ અભયં નો અસ્તુ ॥

અભયં મિત્રાદ્ અભયમ્ અમિત્રાદ્
અભયં જ્ઞાતાદ્ અભયં પુરો નઃ ।
અભયં નક્તમ્ અભયં દિવા નઃ
સર્વા આશા મમ મિત્રં ભવન્તુ ॥