પૈપ્પલાદ-સંહિતા · અધ્યાય 20.45

વિશ્વવિત્ તં નષ્ટમ્ અનુ પશ્યસિ ।
અદો મે નષ્ટં તન્ મે પુનર્ દેહિ ॥

વિશ્વકર્મન્ તત્ ત્વમ્ ઉપ ગચ્છસિ ।
અદો મે નષ્ટં તન્ મે પુનર્ દેહિ ॥

વિશ્વવ્યચસ્ તત્ ત્વય્ય્ અધ્ય્ આહિતમ્ ।
અદો મે નષ્ટં તન્ મે પુનર્ દેહિ ॥

પરિ પૂષા પુરસ્તાદ્
ધસ્તં દધાતુ દક્ષિણમ્ ।
પુનર્ નો નષ્ટમ્ આયતિ
જીવેન ભુનજામહૈ ॥

ઇન્દ્રસ્ ત્વાભ્ય્ ઐત્ સર્પત્
તત્ ત્વા ગોષ્ઠ આદધાત્ ।
તદ્ આસ્રાવસ્ય ભેષજં
તદ્ ઉ રોગમ્ અનીનશત્ ॥

વિષ્ણોર્ મનસા પૂતે સ્થઃ ।
દેવો વાં સવિતોત્ પુનાતુ ॥

વિષ્ણોર્ મનસા પૂતમ્ અસિ
દેવસ્ ત્વા સવિતોત્ પુનાતુ ।
અચ્છિદ્રેણ પવિત્રેણ
સહસ્રધારેણ સુપ્વા ॥

હૃદા પૂતં મનસા જાતવેદો
વિશ્વાનિ દેવો વયુનાનિ વિદ્વાન્ ।
સપ્તાસ્યાનિ તવ યાન્ય્ અગ્ને
તેભ્યો જુહોમિ સ જુષસ્વ હવ્યમ્ ॥

અગ્નાવ્ અગ્નિર્ ઇત્ય્ એકા ॥

યસ્ તે કેશાઁ અવાચીનાન્
ક્રિમિર્ વૃહતિ મૂર્ધતઃ ।
પ્રાણં તસ્યોપ દાશયાદ્
વીરુત્ ખનતિ ભેષજી ॥

વેદ વૈ તે ભગ નામ
ભૂરિર્ નામાસિ રયિર્ નામ ।
તં ત્વા ભગ પ્ર વિશામિ
સ મા ભગ પ્ર વિશ ।
તસ્મિન્ સહસ્રકાણ્ડેન
મૃજે ભગ ત્વયિ ॥