પૈપ્પલાદ-સંહિતા · અધ્યાય 2.61

યેભિઃ પાશૈર્ અભિદધાસિ દ્રુહ્વણઃ
સમામિનો અનૃતં યે સમામિરે ।
તાંસ્ તે વિ ષ્યામ્ય્ આયુષે બલાય-
-અનમીવં પિતુમ્ અદ્ધિ પ્રસૂતઃ ॥

અનાગા બભ્રો અયમ્ અસ્તુ વીરો
દ્રુહઃ પાશેભ્યઃ પરિ પાહ્ય્ એનમ્ ।
રાજન્ પ્રવિદ્વાન્ પ્ર મુમુગ્ધિ પાશાન્
યસ્મૈ ચરામિ હવિષા ઘૃતેન ॥

કશ્યપ ઇન્દ્રાય હવિષા ચચાર
હરિત્વતીષુ મઘવા મઘોને ।
પસ્પાર વિશ્વા ભુવનસ્ય ગોપા
અન્તરિક્ષસ્ય મહતો વિમાને ॥

અપૂપં નાભિલં તે ઘૃતશ્ચુતં
નદીનાં પદે સુશ્રુતં જુહોમિ ।
પ્રવિદ્વાન્ રાજન્ પ્ર મુમુગ્ધિ પાશાન્
અન્યસ્ય પત્ની વિધવા યથાસત્ ॥

અનાતુરેણ વરુણઃ પથેમં
સ્વસ્તિભિર્ અતિ દુર્ગાણિ નેષત્ ।
તમ્ અશ્વિના પ્રતિગૃહ્યા સ્વસ્તયે
દોષા એનમ્ ઉષસે સં પ્ર યચ્છાત્ ॥