પૈપ્પલાદ-સંહિતા · અધ્યાય 2.52

યે કેશિનઃ પ્રથમાઃ સત્ત્રમ્ આસત
યેભિર્ આભૃતં યદ્ ઇદં વિરોચતે ।
તેભ્યો જુહોમિ હવિષા ઘૃતેન-
-અશ્વવાન્ ગોમાન્ અયમ્ અસ્તુ વીરઃ ॥

ન ર્તે દાનાત્ તમસો મુચ્યતે પરિ
દ્વિનામ્નીં દીક્ષાં વશિનીં ય આયત્ ।
પ્રાસ્ય કેશાઃ સુવતે કાણ્ડિનો ભવન્તિ
તેષાં બ્રહ્મેશે વપનસ્ય નાન્યઃ ॥

યેનાવપત્ સવિતા શીર્ષ્ણો અગ્રે
ક્ષુરેણ રાજ્ઞો વરુણસ્ય કેશાન્ ।
તેન બ્રહ્માણો વપતેદમ્ અસ્ય-
- આસ્રામો દીર્ઘાયુર્ અયમ્ અસ્તુ વીરઃ ॥

મા તે કેશાઁ અનુ ગાદ્ વર્ચ એતત્
તથા ધાતા દધાતુ તે ।
તુભ્યમ્ ઇન્દ્રો વરુણો બૃહસ્પતિઃ
સવિતા વર્ચ આ દધન્ ॥

આ રોહ પ્રોષ્ઠં વિ ષહસ્વ શત્રૂન્
અવાસ્રાગ્ દીક્ષાં વશિની હ્ય્ ઉગ્રા ।
દેહિ દક્ષિણાં બ્રાહ્મણેભ્યો
અથો મુચ્યસ્વ વરુણસ્ય પાશાત્ ॥