ગ્રંથ પાઠ

પૈપ્પલાદ-સંહિતા · અધ્યાય 2.12

2.12.1

એહ યન્તુ પશવો યે પરેયુર્
વાયુર્ યેષાં સહચારં જુજોષ ।
ત્વષ્ટા યેષાં રૂપધેયાનિ વેદ-
-અસ્મિન્ તાન્ ગોષ્ઠે સવિતા નિ યચ્છાત્ ॥

2.12.2

ઇમં ગોષ્ઠં પશવઃ સં સ્રવન્તુ
બૃહસ્પતિર્ આ નયતુ પ્રજાનન્ ।
સિનીવાલી નયત્વ્ આગ્રમ્ એષામ્
આજગ્મુષો અનુમતિર્ નિ યચ્છાત્ ॥

2.12.3

સં સં સ્રવન્તુ પશવઃ
સમ્ અશ્વા ઉત પૂરુષાઃ ।
સં ધાન્યસ્ય યા સ્ફાતિઃ
સંસ્રાવ્યેણ હવિષા જુહોમિ ॥

2.12.4

સં સિઞ્ચામિ ગવાં ક્ષીરં
સમ્ આજ્યેન બલં રસમ્ ।
સંસિક્તા અસ્માકં વીરા
મયિ ગાવશ્ ચ ગોપતૌ ॥

2.12.5

આ હરામિ ગવાં ક્ષીરમ્
આહાર્ષં ધાન્યં રસમ્ ।
આહાર્ષમ્ અસ્માકં વીરાન્
આ પત્નીમ્ એદમ્ અસ્તકમ્ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0