પૈપ્પલાદ-સંહિતા · અધ્યાય 19.52

દિવો નભઃ શુક્રં પયો દુહાના-
-ર્તસ્ય નાભિર્ અમૃતં વિ ચષ્ટે ॥

ઘૃતં દુહાના વિશ્વતઃ પ્રપીતામ્
ઊર્જં દુહાના અનપસ્ફુરન્તીમ્ ।
ઉપાસતાં સુકૃતઃ સ્વધાભિઃ ॥

ઘૃતમ્ ઇચ્છ પિન્વમાનામ્
ઇમાં યોનિમ્ ઉપાધ્વમ્ ।
સ્વધા યાશ્ ચકૃષે જીવન્
તાસ્ તે સન્તુ મધુશ્ચુતઃ ॥

સં રસા ઓષધીનાં
સમ્ આકૂતીર્ નમન્તુ મે ।
ઊર્જસ્વન્તં પયસ્વન્તં
પૃથિવ્યા હસ્તમ્ અન્વ્ અગામ્ ॥

પરિણીતિર્ અસિ હસ્તસ્ય
પથઃ પરિણીતિર્ અસિ ।
એવા હ દુષ્વપ્ન્યં સર્વં
સ્તમ્બે પરિ ણયામસિ ॥

પયસ્વન્ મે ક્ષેત્રમ્ અસ્તુ
પયસ્વદ્ ઉત ધાન્યમ્ ।
કૃષિઃ પયસ્વતી મમ-
-અહં પયસ્વાન્ ભૂયાસમ્ ॥

વૃષ્ણે બૃહતે સ્વર્વિદે
ઽગ્નયે શુક્લં હરામિ ત્વિષીમતે ।
સ ન સ્થિરાન્ બલવતઃ કૃણોતુ
જ્યોક્ ચ નો જીવાતવે દધાતુ ॥

વેદ વૈ તે ઽગ્ને નામ -
-અદ્ભિર્ નામાસિ ત્રિવરૂથઃ ।
ત્રયઃ પોષાસ્ ત્રિવૃદ્ અસ્માન્ યજ્ઞઃ સચતામ્ ॥

પ્રજાપતેઃ પયસા વાવૃધાના
આયુષ્મન્તો વર્ચસ્વિનઃ ।
જ્યોગ્ જીવન્ત ઉપ ત્વા સદેમ ॥

ઉરૂણસાવ્ અસુતૃપા ઉદુમ્બલૌ
યમસ્ય દૂતૌ ચરતો જનાઁ અનુ ।
વેદાહં વેદ સૂર્યઃ
કિમ્ એતૌ કિં કરિષ્યતઃ ॥

ન મા દદમ્ભ દભસાદભીયં
ન પાકો અસ્મિ જનુષા ન શિષ્યઃ ।
અભીષાડ્ અસ્મિ વિશ્વાષાટ્ પૃતનાષાટ્ સ્વર્વિદ્
યદ્ ઇદં વિશ્વં ભુવનં સો અસ્મિ ॥

આસ્થાદ્ ઉદ્ અસ્થાદ્ અજનિષ્ટ વિપ્રો
ઽમિમીત વરિમાણં પૃથિવ્યાઃ ।
આસીદત્ સંરાડ્ ભુવનાનિ વિશ્વા
સ ઇચ્છા વેદ વરુણસ્ય વ્રતાનિ ॥

પ્રજાપતિઃ પ્રજાવાન્
સ મા પ્રજાવાન્ પ્રજાવન્તં કૃણોતુ ॥

સૂર્યો વર્ચસ્વાન્
સ મા વર્ચસ્વાન્ વર્ચસ્વન્તં કૃણોતુ ॥

સોમઃ પયસ્વાન્
સ મા પયસ્વાન્ પયસ્વન્તં કૃણોતુ ॥

ત્રિંશન્ મુષ્કાઃ કાબવસ્ય
દશ મુષ્કા ઉલૂક્યાઃ ।
ચત્વારસ્ તવ કર્દમ ॥

તાંસ્ ત્વમ્ ઉગ્રકાશિનિ
મૂલે અપિ કૃન્તતાત્ ।
આસુરો ઽસિ જન્મના
તં ત્વેતો નાશયામસિ ॥

ઇન્દ્રજા અસિ સોમજાસ્
તં ત્વેતો નિષ્ પ્ર હિણ્મસિ ।
ઉર્વા મત્સ્યો મધૂદકં
તસ્ય પાસ્ય્ અત્યયમ્
અનાસ્રાવમ્ અરોગણમ્ ॥