ગ્રંથ પાઠ

પૈપ્પલાદ-સંહિતા · અધ્યાય 18.51

18.51.1

એવાનેવાવ સા ગરત્ ।
અસૌ માં દ્વેષ્ટિ સ આત્માનં દ્વેષ્ટુ
યો માં દ્વેષ્ટિ સ આત્માનં દ્વેષ્ટુ ।
નિર્ દ્વિષન્તં દિવો નિષ્ પૃથિવ્યા નિર્ અન્તરિક્ષાદ્ ભજામ ।
સુયામંશ્ ચાક્ષુષા ।
ઇદમ્ અહમ્ અમુમ્ આમુષ્યાયણમ્ અમુષ્યાઃ પુત્રં દુષ્વપ્ન્યાદ્ અવ દયે ।
યદ્ અદોઅદો અભ્યગચ્છં યદ્ દોષા યત્ પૂર્વાં રાત્રિં
યદ્ દિવા યન્ નક્તં યજ્ જાગ્રતો યત્ સ્વપન્તઃ ।
યદ્ અહરહર્ દુષ્વપ્ન્યમ્ અભિગચ્છામિ
તસ્માદ્ એનમ્ અવ દયે ।
તં જહિ તેન મન્દસ્વ તસ્ય પૃષ્ટીર્ અપિ શૃણીહિ
તં પ્રાણો જહાતુ સ વિપ્રાણો અસ્તુ સ પ્ર મીયતાં સ તતો મા જીવીત્ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0