ગ્રંથ પાઠ

પૈપ્પલાદ-સંહિતા · અધ્યાય 18.50

18.50.1

અજૈષ્માદ્યાસનામાદ્યાભૂમાનાગસો વયમ્ ।
ઉષો યસ્માદ્ દુષ્વપ્ન્યાદ્ અભૈષ્માપ તદ્ ઉચ્છ ।
દ્વિષતે તત્ પરા વહ શપતે તત્ પરા વહ ।
યં દ્વિષ્મો યશ્ ચ નો દ્વેષ્ટિ તસ્મા એનદ્ ગમયામઃ ।
ઉષા દેવી વાચા સંવિદાના વાગ્ દેવી ઉષસા સંવિદાના ।
ઉષસ્પતિર્ વાચસ્પતિના સંવિદાનો વાચસ્પતિર્ ઉષસ્પતિના સંવિદાના ।
તે ઽમુષ્મૈ પરા વહન્ત્વ્ અરાયાન્ દુર્ણામ્નાઃ સદાન્વા રક્ષાંસિ ।
કુમ્ભીકા દૂષીકાઃ પીયકાન્ ।
જાગ્રદ્દુષ્વપ્ન્યં સ્વપ્નેદુષ્વપ્ન્યમ્ ।
અનાગમિષ્યતો વરાન્ અવિત્તેઃ ।
સંકલ્પાન્ અમુચ્યા દ્રુહઃ પાશાત્ ।
તદ્ અમુષ્યાગ્ને પરા વહન્તુ દેવા
વધ્રિર્ યથાસદ્ વિથુરો ન સાધુઃ ।
તદ્ અસ્મૈ ગમયામ ઇતિ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0