પૈપ્પલાદ-સંહિતા · અધ્યાય 18.43
યો ઽસ્ય પ્રથમો ઽપાનઃ । સા પૌર્ણમાસી ।
યો ઽસ્ય દ્વિતીયો ઽપાનઃ । સાષ્ટકા ।
યો ઽસ્ય તૃતીયો ઽપાનઃ । સામાવાસ્યા ।
યો ઽસ્ય ચતુર્થો ઽપાનઃ । સા શ્રદ્ધા ।
યો ઽસ્ય પઞ્ચમો ઽપાનઃ । સા દીક્ષા ।
યો ઽસ્ય ષષ્ઠો ઽપાનઃ । સ યજ્ઞઃ ।
યો ઽસ્ય સપ્તમો ઽપાનઃ । સ વષટ્કારઃ ।
યો ઽસ્ય પ્રથમો વ્યાનઃ । સેયં ભૂમિઃ ।
યો ઽસ્ય દ્વિતીયો વ્યાનઃ । તદ્ અન્તરિક્ષમ્ ।
યો ઽસ્ય તૃતીયો વ્યાનઃ । સ દ્યૌઃ ।
યો ઽસ્ય ચતુર્થો વ્યાનઃ । તાનિ નક્ષત્રાણિ ।
યો ઽસ્ય પઞ્ચમો વ્યાનઃ । ત ઋતવઃ ।
યો ઽસ્ય ષષ્ઠો વ્યાનઃ । ત આર્તવાઃ ।
યો ઽસ્ય સપ્તમો વ્યાનઃ । સ સંવત્સરઃ ।
સમાનં અર્થં પરિ યન્તિ દેવા ઇતિ
સંવત્સરં વાવૈતદ્ ઋતવો *ઽનુ પરિ યન્તિ ।
યદ્ આદિત્યમ્ અભિ સં વિશન્તીતિ
પૌર્ણમાસીં ચૈવ તદ્ અમાવાસ્યાં ચાભિ સં વિશન્તિ ।
તદ્ એકં રૂપમ્ અમૃતત્વમ્ એષામ્ ઇત્ય્ આહુતિર્ એવ ।
રૂપંરૂપં તપસા વર્ધમાના ઇત્ય્ અહોરાત્રે એવ ।
યો ઽસ્ય દક્ષિણઃ કર્ણઃ સો ઽયમ્ અગ્નિર્ યઃ સવ્યઃ સો ઽયં પવમાનઃ ।
યદ્ અસ્ય દક્ષિણમ્ અક્ષિ તદ્ અસાવ્ આદિત્યો યત્ સવ્યં તદ્ અસૌ ચન્દ્રમાઃ ।
દિતિશ્ ચાદિતિશ્ ચ શીર્ષકપાલે સંવત્સરઃ શિરો ઽહોરાત્રે નાસિકે ।
રાત્ર્યા પરાઙ્ અહ્ના પ્રત્યઙ્ નમો વ્રાત્યાય ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0