પૈપ્પલાદ-સંહિતા · અધ્યાય 17.22
મરુદ્ભ્યો ઽશ્વિભ્યાં બ્રહ્મણે બ્રહ્મણસ્પતયે
ઽમુમ્ આમુષ્યાયણમ્ અમુષ્યાઃ પુત્રમ્ આ વૃશ્ચામિ ॥
યે સ્વશ્ ચક્રુર્ યે સ્વર્ જજ્ઞુઃ ।
તેભ્યઃ સ્વઃકૃદ્ભ્યઃ સ્વઃકારેભ્યો ઽમુમ્ આમુષ્યાયણમ્ અમુષ્યાઃ પુત્રમ્ આ વૃશ્ચામિ ।
તે સ્વઃકૃતઃ સ્વઃકારા અમુમ્ આમુષ્યાયણમ્ અમુષ્યાઃ પુત્રં પરા ભાવયન્તુ ॥
યે તપશ્ ચક્રુર્ યે તપો જજ્ઞુઃ ।
તેભ્યસ્ તપસ્કૃદ્ભ્યસ્ તપસ્કારેભ્યો ઽમુમ્ (…) ।
તે તપસ્કૃતસ્ તપસ્કારા અમુમ્ (…) ॥
યે બ્રહ્મ ચક્રુર્ યે બ્રહ્મ જજ્ઞુઃ ।
તેભ્યો બ્રહ્મકૃદ્ભ્યો બ્રહ્મકારેભ્યો ઽમુમ્ આમુષ્યાયણમ્ અમુષ્યાઃ પુત્રમ્ આ વૃશ્ચામિ ।
તે બ્રહ્મકૃતો બ્રહ્મકારા અમુમ્ આમુષ્યાયણમ્ અમુષ્યાઃ પુત્રં પરા ભાવયન્તુ ॥
અઘારિણીમ્ અમૂમ્ અઘવિદ્ધાં વિકેશીમ્ અપપ્રતિધિમાસોક્તીં દેવમનુષ્યાઃ પશ્યન્તુ ।
અમુમ્ આમુષ્યાયણમ્ અમુષ્યાઃ પુત્રં રુરુધુષીમ્ ॥
અલિક્લવા ગૃધ્રાઃ કઙ્કાઃ સુપર્ણાઃ શ્વપદાઃ પતત્રિણઃ ।
વયાંસિ શકુનયો ઽમુષ્યામુષ્યાયણસ્યામુષ્યાઃ પુત્રસ્યાદહને ચરન્તુ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0