પૈપ્પલાદ-સંહિતા · અધ્યાય 16.145

તસ્યા આહનનં કૃત્યા મેનિર્ આશસનં વલગ ઊબધ્યમ્
અસ્વગતા પરિહ્વૃતા ।
અગ્નિઃ ક્રવ્યાદ્ ભૂત્વા બ્રહ્મગવી બ્રહ્મજ્યં પ્રવિશ્યાત્તિ ॥

સર્વાસ્યાઙ્ગાનિ મૂલાનિ વૃશ્ચતિ
છિનત્ત્ય્ અસ્ય પિતૃબન્ધૂન્ પરા ભાવયતિ માતૃબન્ધૂન્ ।
વિવાહાં જ્ઞાતીન્ સર્વાન્ અપિ ક્ષાપયતિ બ્રહ્મગવી ક્ષત્રિયસ્યાપુનર્દીયમાના ॥

અવાસ્તુમ્ એનમ્ અસ્વગમ્ અપ્રજસં કરોત્ય્
અપરાપરણો ભવતિ ક્ષીયતે ।
ય એવં વિદુષો બ્રાહ્મણસ્ય ક્ષત્રિયો ગામ્ આદત્તે ॥

ક્ષિપ્રં વૈ તસ્યાહનને
ગૃધ્રાઃ કુર્વત ઐલવમ્ ।
(…) તસ્યાદહનં
પરિ નૃત્યન્તિ કેશિનીર્
આઘ્નાનાઃ પાણિનોરસિ
કુર્વાણાઃ પાપમ્ ઐલવમ્ ॥

(…) તસ્ય વાસ્તુષુ
ગઙ્ગણં કુર્વતે વૃકાઃ ।
ક્ષિપ્રં વૈ તસ્ય પૃચ્છન્તિ
યત્ તદ્ આસીદ્ ઇદં નુ તાત્ ॥