પૈપ્પલાદ-સંહિતા · અધ્યાય 16.139

પ્રજાપતિશ્ ચ પરમેષ્ઠી ચ શૃઙ્ગે ઇન્દ્રઃ શિરો
અગ્નિર્ લલાટં યમઃ કૃકાટં સોમો રાજા મસ્તિષ્કઃ ।
સત્યં ચક્ષુર્ ઋતં શ્રોત્રે પ્રાણાપાનૌ નાસિકે
દ્યૌર્ ઉત્તરા હનુઃ પૃથિવ્ય્ અધરા ॥

અગ્નિર્ આસ્યં વિદ્યુજ્ જિહ્વા
મરુતો દન્તાઃ પવમાનઃ પ્રાણઃ ।
વિશ્વં વાયુઃ કણ્ઠઃ સ્વર્ગો લોકઃ
કૃષ્ણદ્રં વિધરણી વિકેશ્યઃ ॥

રેવતી ગ્રીવાઃ કૃત્તિકા સ્કન્ધા
ઘર્મો વહઃ શ્યેનઃ ક્રોડો અન્તરિક્ષં પાજસ્યમ્ ।
મિત્રશ્ ચ વરુણશ્ ચાંસૌ
ત્વષ્ટા ચાર્યમા ચ દોષણી ॥

મહાદેવો બાહૂ બૃહસ્પતિઃ કકુદ્ બૃહતીઃ કીકસાઃ ।
દેવાનાં પત્નીઃ પૃષ્ટય ઉપસદઃ પર્શવઃ ॥

ઇન્દ્રાણી ભસદ્ વાતઃ પુચ્છં પવમાનો બાલાઃ ।
બ્રહ્મ ચ ક્ષત્રં ચ શ્રોણી બલમ્ ઊરૂ
ધાતા ચ સવિતા ચાષ્ઠીવન્તૌ ॥

જઙ્ઘા ગન્ધર્વા અપ્સરસઃ
કુષ્ઠિકા અદિતિઃ શફાઃ ।
ચેતો હૃદયં યકૃન્ મેધા
હરિમા પિત્તં વ્રતં પુરીતત્ ॥

ક્ષુત્ કુક્ષિર્ ઇરા વનિષ્ઠુઃ
પર્વતાઃ પ્લાશિર્ દેવજના ગુદા
મનુષ્યા આન્ત્રાણ્ય્ અત્રા ઉદરમ્
ઇતરજના ઊબધ્યં રક્ષાંસિ લોહિતમ્ ।
ક્રોધો વૃક્કૌ મન્યુર્ આણ્ડૌ પ્રજા શેપઃ ॥

સમુદ્રો વસ્તિર્ નદી સૂત્રી
સ્તનયિત્નુર્ ઊધો વર્ષસ્ય પતય સ્તનાઃ ।
વિશ્વવ્યચાશ્ ચર્મૌષધયો લોમાનિ નક્ષત્રાણિ રૂપમ્ ॥

અભ્રં પીવો મજ્જા નિધનમ્ ।
નિધનં ભૂત્યાઃ પ્રજાયાઃ પશૂનાં ભવતિ ય એવં વેદ ॥

ઇન્દ્રઃ પ્રાઙ્ તિષ્ઠન્ દક્ષિણા તિષ્ઠન્ યમઃ
પ્રત્યઙ્ તિષ્ઠન્ ધાતોદઙ્ તિષ્ઠન્ સવિતા ।
તૃણાનિ પ્રાપ્તઃ સોમો રાજાવૃત્ત આનન્દઃ ।
ઈક્ષમાનો મિત્રે યુજ્યમાનો વૈશ્વદેવો યુક્તઃ પ્રજાપતિર્ વિમુક્તઃ સર્વમ્ ।
એતદ્ વૈ ગોરૂપમ્ ।
ઉપૈનં રૂપવન્તઃ પશવસ્ તિષ્ઠન્તિ ય એવં વેદ ॥