પૈપ્પલાદ-સંહિતા · અધ્યાય 16.12

યા બભ્રવો યાશ્ ચ શુક્રા
રોહિણીર્ ઉત પૃશ્નયઃ ।
અસિક્નીઃ કૃષ્ણા ઓષધીઃ
સર્વા અચ્છા વદામસિ ॥

ત્રાયન્તામ્ ઇમં પુરુષં
યક્ષ્માદ્ દેવેષિતાદ્ અધિ ।
યાસાં દ્યૌષ્ પિતા પૃથિવી માતા
સમુદ્રો મૂલં વીરુધાં બભૂવ ॥

આપો ઽગ્રં દિવ્યા ઓષધયસ્ ।
તાસ્ તે યક્ષ્મમ્ એનસ્યમ્
અઙ્ગાદઙ્ગાદ્ અનીનશન્ ॥

પ્રસ્તૃણતી સ્તમ્બિનીર્ એકશૃઙ્ગાઃ
પ્રતન્વતીર્ ઓષધીર્ આ વદામિ ।
અંશુમતીઃ કાણ્ડિનીર્ યા વિશાખા
હ્વયામિ તે વીરુધો વૈશ્વદેવીર્
ઉગ્રાઃ પુરુષજીવનીઃ ॥

યદ્ વઃ સહઃ સહમાના
વીર્યં યચ્ ચ વો બલમ્ ।
તેનેમમ્ અસ્માદ્ યક્ષ્માત્
પુરુષં મુઞ્ચન્તૌષધીઃ ॥

જીવલાં નઘારિષાં
જીવન્તીમ્ ઓષધીમ્ ઉત ।
અરુન્ધતીમ્ ઉન્નયન્તીં
પુષ્પાં મધુમતીં હુવે ॥

ઇહા યન્તુ પ્રચેતસો
મેદિનીર્ વચસો મમ ।
યથેમં પારયામસિ
પુરુષં દુરિતાદ્ અધિ ॥

અગ્નેર્ ઘાસો અપાં ગર્ભો
યા રોહન્તિ પુનર્ણવાઃ ।
ધ્રુવાઃ સહસ્રનામ્નીર્
ભેષજીઃ સન્ત્વ્ આભૃતાઃ ॥

અવકોલ્વા ઉદકાત્માન ઓષધયઃ ।
વ્યજૃષન્તી દુરિતં તીક્ષ્ણશૃઙ્ગ્યઃ ॥

ઉન્મુઞ્ચન્તીર્ વિવરુણા
ઉગ્રા યા વિષદૂષનીર્
અથો બલાસનાશનીઃ ।
રક્ષોનાશનીઃ કૃત્યાદૂષણીશ્ ચ
યાસ્ તા ઇહા યન્ત્વ્ ઓષધીઃ ॥