પૈપ્પલાદ-સંહિતા · અધ્યાય 12.5

જાયસ્વાગ્ને ઽશ્વત્થાદ્
અસ્મૈ ક્ષત્રાયૌજસે ।
ઉગ્ર આપતિકાદ્ અધિ
યો વૃક્ષાઁ અધિરોહતિ ॥

વિબાધં ચિત્ સહમાનં
ત્વામ્ અગ્ને જનયામસિ ।
જાતાં જનિષ્યમાણાં
સપત્નાન્ પ્ર ણુદસ્વ મે ॥

અશ્વત્થસ્યારોહસ્ય
વૃક્ષસ્યારણયઃ કૃતાઃ ।
તતો જાતાય તે ઽજનિ
વીડુજમ્ભાગ્નિર્ અગ્નયે ॥

તં જાતં જાતવેદસમ્
આ દધામ્ય્ અમર્ત્યમ્ ।
પાવકમ્ અગ્નિમ્ ઊતયે
શુચિમન્તં વિષાસહિમ્ ॥

ઉત્ તનુષ્વ ધનુઃ પ્રતિ મુઞ્ચસ્વ વર્મ
જહિ શત્રૂન્ વીર્યા તે કૃણોમિ ।
અત્ર રધ્યન્તુ ય ઉ તે સપત્નાસ્
ત્વમ્ એકવૃષો ભવ ॥

વૃષભં ત્વા સજાતાનાં
સપત્નાનાં વિષાસહિમ્ ।
હન્તારં શત્રૂણાં કૃણ્મો
વિરાજં ગોપતિં ગવામ્ ॥

સમુદ્રો ઽસ્ય્ અપાં જ્યેષ્ઠ
ઇન્દ્રો દેવેષુ વૃત્રહા ।
વ્યાઘ્રં સિંહં ત્વા કૃણ્મો
દમિતારં પૃતન્યતામ્ ॥

ઇન્દ્ર ઇવ દસ્યૂન્ અધરાન્ કૃણુષ્વ-
-ઉગ્ર ઇવ વાતો વિશૃણન્ સપત્નાન્ ।
તે શુષ્યન્ત્વ્ અપ દાવાદ્ ઇવ-
-અગ્નેઃ પર્યવીવરથા એનાન્ ॥

સં વૃશ્ચૈનાંસ્ તે શુષ્યન્તુ
વૃશ્ચૈનાન્ મોપજાં શિષઃ ।
સપત્નાન્ સર્વાંસ્ તૃઢ્વા
ત્વમ્ એકવૃષો ભવ ॥

ત્વમ્ ઉગ્રસ્ ત્વં બલી
ત્વમ્ એધિ વિવાચનમ્ ।
ત્વં પૃતન્યતઃ પૂર્વઃ
સપત્નાઁ અવ દૂનુષ્વ ॥