પૈપ્પલાદ-સંહિતા · અધ્યાય 11.3

જઙ્ગિડો ઽસિ જઙ્ગિડો
રક્ષિતાસિ જઙ્ગિડઃ ।
દ્વિપાચ્ ચતુષ્પાદ્ અસ્માકં
સર્વં રક્ષતુ જઙ્ગિડઃ ॥

યા ગૃત્સ્યસ્ ત્રિપઞ્ચાશીઃ
શતં કૃત્યાકૃતશ્ ચ યે ।
સર્વાન્ વિનક્તતેજસો
ઽરસાન્ જઙ્ગિડસ્ કરત્ ॥

અરસં કૃત્રિમં નાડમ્
અરસાઃ સપ્ત વિસ્રસઃ ।
અપેતો જઙ્ગિડામતિમ્
ઇષુમ્ અસ્તેવ સાધય ॥

કૃત્યાદૂષણ એવાયમ્
અથો અરાતિદૂષણઃ ।
અથો સહસ્વાં જઙ્ગિડઃ
પ્ર ણ આયૂંષિ તારિષત્ ॥

સ જઙ્ગિડસ્ય મહિમા
પરિ ણઃ પાતુ વિશ્વતઃ ।
વિષ્કન્ધં યેન સાસાહ
સંસ્કન્ધમ્ ઓજ ઓજસા ॥

તૃષ્ટ્વા દેવા અજનયન્
નિષ્ઠિતં ભૂમ્યામ્ અધિ ।
તમ્ ઉ ત્વાઙ્ગિરા ઇતિ
બ્રહ્માણઃ પૂર્વ્યા વિદુઃ ॥

ન ત્વા પૂર્વા ઓષધયો
ન ત્વા તરન્તુ યા નવાઃ ।
વિબાધ ઉગ્રો જઙ્ગિડઃ
પરિપાણઃ સુમઙ્ગલઃ ॥

અશ્વોપદાન્ ભગવો
જઙ્ગિડામિતવીર્ય ।
પુરા ત ઉગ્રાય સત
ઉપેન્દ્રો વીર્યં દદૌ ॥

ઉગ્ર ઇત્ તે વનસ્પત
ઇન્દ્ર ઓજ્માનમ્ આ દધૌ ।
અમીવાઃ સર્વાશ્ ચાતયઞ્
જહિ રક્ષાંસ્ય્ ઓષધે ॥

અશરીકં વિશરીકં
બલાસં પુષ્ટ્યામયમ્ ।
તક્માનં વિશ્વશારદમ્
અરસં જઙ્ગિડસ્ કરત્ ॥