પૈપ્પલાદ-સંહિતા · અધ્યાય 10.12

યો મે ભૂતિમ્ અનામયદ્
વિત્તમ્ આયુર્ જિઘાંસતિ ।
ઇન્દ્રશ્ ચ તસ્મા અગ્નિશ્ ચ
દિવો અશ્માનમ્ અસ્યતામ્ ॥

યો મે વેશ્મ યો મે સભાં
શ્રિયં શ્રેષ્ઠાં જિઘાંસતિ ।
ઇન્દ્રશ્ ચ તસ્યાગ્નિશ્ ચ
કૃત્યાં વિ તનુતાં ગૃહે ॥

યો મે મૃત્યુમ્ અસમૃદ્ધિમ્
અહ્ના રાત્ર્યા ચેચ્છતિ ।
ઇન્દ્રશ્ ચ તસ્યાગ્નિશ્ ચ-
-અર્ચિષા દહતાં સ્વમ્ ॥

યો મે પ્રાણં યો મે ઽપાનં
વ્યાનં શ્રેષ્ઠં જિઘાંસતિ ।
ઇન્દ્રશ્ ચ તસ્યાગ્નિશ્ ચ
પ્રાણં પ્રાણહનૌ હતામ્ ॥

યો મા દેવજનૈઃ સર્પૈર્
વિદ્યુતા બ્રહ્મણાભ્યમાત્ ।
અગસ્ત્યેન મેદિના-
-ઇન્દ્રશ્ ચાગ્નિશ્ ચ તં હતામ્ ॥

તં સત્યૌજાઃ પ્ર દહત્વ્
અગ્નિર્ વૈશ્વાનરો વૃષા ।
યો મા દુરસ્યન્ન્ ઈક્ષાતૈ
યશ્ ચ દિપ્સતિ વિદ્વલઃ ॥

યો મા દિપ્સાદ્ અદિપ્સન્તં
યશ્ ચ દિપ્સતિ દિપ્સ તમ્ ।
વૈશ્વાનરસ્ય દંષ્ટ્રયોર્
અગ્નેર્ અપિ દધામિ તમ્ ॥

અભિ તં દ્યાવાપૃથિવી સંતપતાં
તપ્તે ઘર્મે ન્યુચ્યતામ્ ।
નિરૃત્યા વધ્યતાં પાશે
યો નઃ પાપં ચિકિત્સતિ ॥

પ્રત્યગ્વધેન પ્રચ્યુતાન્
ભ્રાતૃવ્યાન્ ઘોરચક્ષસઃ ।
ઇન્દ્રાગ્ની એનાન્ વૃશ્ચતાં
મૈષામ્ ઉચ્ છેષિ કશ્ ચન ॥

પ્રત્યગ્વધ પ્રત્યગ્ જહિ
ભ્રાતૃવ્યાન્ દ્વિષતો મમ ।
અપાનાન્ પ્રાણાં સંછિદ્ય
દ્વિષતસ્ પાતયાધરાન્ ॥

અગ્ને યે મા જિઘાંસન્ત્ય્
અગ્ને યે ચ દ્વિષન્તિ મા ।
અગ્ને યે મોપતપ્યન્તે
તેષાં પ્રિયતમં જહિ ॥

એતં દ્વિષન્તમ્ અવધિષમ્
અન્ધેન તમસાવૃતમ્ ।
એતં મૃત્યો ઽભિ પદ્યસ્વ
મા તે મોચિ મહોદરઃ ॥