ગ્રંથ પાઠ

પૈપ્પલાદ-સંહિતા · અધ્યાય 1.97

1.97.1

અસ્માઞ્ જુષધ્વમ્ અસવો ઽદ્ય
મા નઃ પુરા જરસો ઽસવો વધિષ્ટ ।
પાકા ગૃણીમસ્ તવ વીર્યાય
શતં હિમાન્ અધિપતિર્ ન એહિ ॥

1.97.2

ઉન્ મૃણો અગાદ્ આર્જુનમ્ અગાત્
સુશ્રુદ્ ભગવો ગોપાય મા ।
અહ્ને ઽદ્યાત્માનં પરિ દદે
સૂર્યપ્રાણો ભવામિ ॥

1.97.3

નિ મૃણો અગાદ્ આસિતમ્ અગાત્
સુશ્રુદ્ ભગવો ગોપાય મા ।
રાત્રયે ઽદ્યાત્માનં પરિ દદે
અગ્નિપ્રાણો ભવામિ ॥

1.97.4

અનાભૂર્ અસ્ય્ અનાભો
ઽનાભુવો ભૂયાસ્મ ।
સ યત્ર ત્વં પ્રજાપતે
ત્રિર્ એકસ્યાહ્નઃ પ્રજાઃ સંપશ્યસિ ।
તત્ર મામ્ અપિ સં પશ્ય-
-અનષ્ટપશુર્ ભુવનસ્ય ગોપાઃ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0