પૈપ્પલાદ-સંહિતા · અધ્યાય 1.86

ત્રિભ્યો રુદ્રેભ્યઃ પ્રવસન્ યજામિ
જ્યેષ્ઠઃ કનિષ્ઠ ઉત મધ્યમો યઃ ।
જ્યોતિષ્કારાઃ કવયઃ સોમપા યે
કણ્વા અજન્તુ નિર્ ઇતો વધેન ॥

ઇન્દ્રાગ્ની વીતં હવિષઃ સંવિદાનૌ
સમિદ્ધો અગ્નિઃ સમિધા ગીર્ભિર્ ઇન્દ્રઃ ।
નુદેથાં કણ્વા નિર્ ઇતો અરાતિમ્
આરાદ્ રક્ષાંસિ તપતં વ્ય્ અસ્મત્ ॥

વાસ્તોષ્પતે સુપ્રજસઃ સુવીરા
ષષ્ઠીસ્યામિ શરદઃ શતાનિ ।
દુર્વાસ્તુ કણ્વા અભિ નિર્ ણુદસ્વ
સુવાસ્ત્વ્ અસ્માઁ ઉપ સં વિશસ્વ ॥

યા તન્તિષત્ ખલસદ્ યા ચ ગોષ્ઠે
યા જાતાઃ શકધૂમે સભાયામ્ ।
પ્રપાયાં જાતા ઉત યાશ્ ચ ભિત્સુ
તાશ્ ચાતયામઃ શિવતા નો અસ્તુ ॥

દુદ્વા ચ દુદ્વતી ચ સ્થસ્
તદ્ વાં નામ તદ્ વાં નામધેયમ્ ।
રુદ્રપ્રેષિતે સ્થો ઽવ્યે નામ
પર્ય્ અસ્માન્ વૃઙ્ક્તમ્ ।
યો નો દ્વેષ્ટિ તમ્ ઋચ્છતમ્ ॥

વીચી નામાસ્ય્ અઘહારા નામ ।
નમસ્ તે અસ્તુ વાતકે
ઽન્યત્રાસ્મદ્ અઘં કૃધિ ॥

ઋજીતે પરિ ણો નમ-
-અગ્રેણ પરિ ણો નમ ।
અશ્માનં તન્વં કૃણ્મહે
અદ્યા નઃ સોમ મૃડય ॥