પૈપ્પલાદ-સંહિતા · અધ્યાય 1.80

સંપશ્યમાના અમૃતાય આયન્
શુદ્ધા યોનિભ્યસ્ પરિ જાયમાનાઃ ।
શિવં કૃણ્વાના ઉપ જિઘ્રતેમં
વીરં વીરેષ્વ્ અપ્ય્ આ કૃણુધ્વમ્ ॥

શિવો વો વીર ઇહ જાતો અસ્તુ
શુદ્ધો યોનિભ્યસ્ પરિ જાયમાનઃ ।
અરિષ્ટો ઽયં વર્ધતાં સર્વમ્ આયુર્
વર્મ જ્યાયોભ્યો હવિષા કૃણોતુ ॥

જરાં મૃત્યું પ્રેપ્સતુ જીવ એષ
નાસ્ય ક્રિમિર્ ઈશાતો નોત જમ્ભઃ ।
સંરભ્ય જીવ શરદઃ સુવર્ચા
અગ્નિષ્ ટે ગોપા અધિપા વસિષ્ઠઃ ॥

જરામૃત્યુર્ જરાયુર્ જરાચક્ષુર્ જરાસ્વઃ ।
જરસે ત્વા જરદષ્ટિં પરિ દદામિ ॥

દ્યૌષ્ ટે પિતા પૃથિવી માતાન્તરિક્ષમ્ આત્મા ।
વાતઃ પ્રાણઃ સૂર્યશ્ ચક્ષુર્ દિવસ્ પયઃ ।
સુપર્ણસ્ ત્વાભ્ય્ અવ પશ્યાદ્ આયુષે વર્ચસે
ઽયમ્ અન્નસ્યાન્નપતિર્ અસ્તુ વીરઃ ॥