ગ્રંથ પાઠ

પૈપ્પલાદ-સંહિતા · અધ્યાય 1.8

1.8.1

અમુષ્માદ્ અધિ પર્વતાદ્
અવત્કમ્ અસિ ભેષજમ્ ।
ભેષજં સુભેષજં
યત્ તે કૃણોમિ ભેષજમ્ ॥

1.8.2

આદ્ અઙ્ગા કુવિદ્ અઙ્ગા
શતં યદ્ ભેષજાનિ તે
સહસ્રં વા ઘ યાનિ તે ।
તેષામ્ અસિ ત્વમ્ ઉત્તમમ્
અનાસ્રાવમ્ અરોગણમ્ ॥

1.8.3

અરુસ્યાનમ્ ઇદં મહત્
પૃથિવ્યા અધ્ય્ ઉદ્ભૃતમ્ ।
તદ્ આસ્રાવસ્ય ભેષજં
તદ્ ઉ રોગમ્ અનીનશત્ ॥

1.8.4

ઉપજીકા ઉદ્ ભરન્તિ
સમુદ્રાદ્ અધિ ભેષજમ્ ।
અરુસ્યાનમ્ અસ્ય્ આથર્વણં
રોગસ્થાનમ્ અસ્ય્ આથર્વણમ્ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0