ગ્રંથ પાઠ

પૈપ્પલાદ-સંહિતા · અધ્યાય 1.32

1.32.1

યદ્ અગ્નિર્ આપો અદહત્ પ્રવિશ્ય
યત્રાકૃણ્વન્ ધર્મધૃતો નમાંસિ ।
તત્ર ત આહુઃ પરમં જનિત્રં
સ નઃ સંવિદ્વાન્ પરિ વૃઙ્ધિ તક્મન્ ॥

1.32.2

યદિ શોકો યદ્ય્ અભીશોકો
રુદ્રસ્ય પ્રાણો યદિ વારુણો ઽસિ ।
હુડુર્ નામાસિ હરિતસ્ય દેવ
સ નઃ સંવિદ્વાન્ પરિ વૃઙ્ધિ તક્મન્ ॥

1.32.3

યદ્ય્ અર્ચિર્ યદિ વાસિ ધૂમઃ
શકલ્યેષુ યદિ વા તે જનિત્રમ્ ।
હુડુર્ નામાસિ હરિતસ્ય દેવ
સ નઃ સંવિદ્વાન્ પરિ વૃઙ્ધિ તક્મન્ ॥

1.32.4

નમઃ શીતાય તક્મને
નમો રૂરાય કૃણ્મો વયં તે ।
યો +ઽન્યેદ્યુર્ ઉભયદ્યુશ્ ચરન્તિ
તૃતીયકાય નમો અસ્તુ તક્મને ॥

1.32.5

તૃતીયકં વિતૃતીયં
સદન્દિમ્ ઉત હાયનમ્ ।
તક્માનં વિશ્વશારદં
ગ્રૈષ્મં નાશય વાર્ષિકમ્ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0