નવશ્લોકી · ભાગ 11

નવશ્લોકી
આર્યાષ્ટસાહશ્રિકાયાઃ પ્રજ્ઞાપારમિતાયાઃ પિણ્ડાર્થઃ
પ્રજ્ઞાપારમિતામ્બોધૌ શુભરત્નાકરે સ્વયમ્ ।
સર્વા પારમિતાસ્ તત્ર તાદાત્મ્યેન વ્યવસ્થિતાઃ ॥ ન્શ્_1 ॥
નિષ્પ્રપઞ્ચા નિરાભાસા નિર્વિકલ્પા નિરાલયા ।
નિઃસ્વભાવા પરા સૂક્ષ્મા બિન્દુનાદવિવર્જિતા ॥ ન્શ્_2 ॥
પ્રજ્ઞાપારમિતા માતા સર્વબુદ્ધોદયા પરા ।
ત્રયાનુપલબ્ધિરૂપા સર્વજ્ઞજ્ઞાનગોચરા ॥ ન્શ્_3 ॥
પ્રજ્ઞાપારમિતાં સંયગ્ યો ભાવયિતુમ્ ઇચ્છતિ ।
તેનાર્થતો નવશ્લોકાશ્ ચિન્તનીયાઃ સમાસતઃ ॥ ન્શ્_4 ॥
કર્મપ્રભાવસંભૂતં ષડાયતનલક્ષણમ્ ।
પુનર્ભવમ્ ઇતિ ખ્યાતં પ્રતિભાસોપમં હિ તત્ ॥ ન્શ્_5_[1] ॥
નિર્મિતં નગરં યદ્વદ્ વિલોકયતિ નિર્મિતઃ ।
તદ્વત્ પશ્યતિ રૂપાણિ કર્મભિર્ નિ ર્મિ તં જગત્ ॥ ન્શ્_6_[2] ॥
ધર્મં દેશયતઃ શબ્દા યે કેચિત્ શ્રુતિગોચરાઃ ।
પ્રતિશ્રુત્કોપમાઃ સર્વે પ્રોદ્ભૂતશ્રુતિનઃ શ્રુતાઃ ॥ ન્શ્_7_[3] ॥
આઘ્રતં સ્વાદિતં તથા સ્પ્રષ્ટં વિષયલાલાસૈઃ ।
સ્વપ્નતુલ્યમ્ ઇદં સર્વમ્ ઉપલબ્ધં ન વિદ્યતે ॥ ન્શ્_8_[4] ॥
માયાયન્ત્રો નરો યદ્વદ્ ભિન્નાં ચેષ્ટાં કરોતિ વૈ ।
તદ્વદ્ ચેષ્ટાં કરોત્ય્ એવ દેહયન્ત્રો નિરાત્મકઃ ॥ ન્શ્_9_[5] ॥
નાનોપલબ્ધયો યાશ્ ચ પ્રતિક્ષણસમુદ્ભવાઃ ।
મરીચિસદૃશાશ્ ચૈતે દૃષ્ટનષ્ટાઃ વિલક્ષણાઃ ॥ ન્શ્_10_[6] ॥
પ્રતિબિમ્બનિભં ગ્રાહ્યમ્ અનાદિચિત્તસંભવમ્ ।
તદાકારં ચ વિજ્ઞાનમ્ અન્યોન્યપ્રતિબિમ્બવત્ ॥ ન્શ્_11_[7] ॥
ધ્યાયિના ં સ્વચ્છસંતાને યજ્ જ્નનેન્દુસમુદ્ભવમ્ ।
ઉદકચન્દ્રોપમં તદ્ ધિ પ્રત્યક્ષં ન વિદ્યતે ॥ ન્શ્_12_[8] ॥
યોગિનામ્ અપિ યજ્ જ્ઞાનં તદ્ અપ્ય્ આકાશલક્ષણમ્ ।
તસ્માજ્ જ્ઞાનં ચ જ્ઞેયં ચ સર્વમ્ આકાશલક્ષણમ્ ॥ ન્શ્_13_[9] ॥
ઇતિ ચિન્તયતઃ તત્ત્વં સર્વભાવેષ્વ્ અનાશ્રિતમ્ ।
બોધિપ્રણિધિચિત્તેન જ્ઞાનં અગ્રં ભવિષ્યતિ ॥ ન્શ્_14 ॥
આર્યાષ્ટસાહસ્રિકાયાઃ પ્રજ્ઞાપારમિતાયાઃ પિણ્ડાર્થઃ સમાપ્તઃ
કૃતિર્ ઇયં શ્રીકમ્ બ્ અલામ્બરપાદનામ્