નારાયણીય · અધ્યાય 10.75

પ્રાતઃ સન્ત્રસ્તભોજક્ષિતિપતિવચસા પ્રસ્તુતે મલ્લતૂર્યે
સઙ્ઘે રાજ્ઞાં ચ મઞ્ચાનભિયયુષિ ગતે નન્દગોપેઽપિ હર્મ્યમ્ ।
કંસે સૌધાધિરૂઢે ત્વમપિ સહબલઃ સાનુગશ્ચારુવેષો
રઙ્ગદ્વારં ગતોઽભૂઃ કુપિતકુવલયાપીડનાગાવલીઢમ્ ॥

પાપિષ્ઠાપેહિ માર્ગાદ્ દ્રુતમિતિ વચસા નિષ્ટુરક્રુદ્ધબુદ્ધે-
રગ્બષ્ઠસ્ય પ્રણોદાદધિકજવજુષા હસ્તિના ગૃહ્યમાણઃ ।
કેલીમુક્તોઽથ ગોપીકુચકલશચિરસ્પર્ધિનં કુમ્ભમસ્ય
વ્યાહત્યાલીયથાસ્ત્વં ચરણભુવિ પુનર્નિર્ગતો વલ્ગુહાસી ॥

હસ્તપ્રાપ્યોઽપ્યગમ્યો ઝટિતિ મુનિજનસ્યેવ ધાવન્ ગજેન્દ્રં
ક્રીડન્નાપત્ય ભૂમૌ પુનરભિપતતસ્તસ્ય દન્તં સજીવમ્ ।
મૂલાદુન્મૂલ્ય તન્મૂલગમહિતમહામૌક્તિકાન્યાત્મમિત્રે
પ્રાદાસ્ત્વં હારમેભિર્લલિતવિરચિતં રાધિકાયૈ દિશેતિ ॥

ગૃહ્ણાનં દન્તમંસે યુતમથ હલિના રઙ્ગમઙ્ગાવિશન્તં
ત્વાં મઙ્ગલ્યાઙ્ગભઙ્ગીરભસહૃતમનોલોચના વીક્ષ્ય લોકાઃ ।
હંહો ધન્યો નુ નન્દો નહિ નહિ પશુપાલાઙ્ગના નો યશોદા
નો નો ધન્યેક્ષણાઃ સ્મસ્ત્રિજગતિ વયમેવેતિ સર્વે શશંસુઃ ॥

પૂર્ણં બ્રહ્મૈવ સાક્ષાન્નિરવધિપરમાનન્દસાન્દ્રપ્રકાશં
ગોપેષુ ત્વં વ્યલાસીર્ન ખલુ બહુજનૈસ્તાવદાવેદિતોઽભૂઃ ।
દૃષ્ટ્વાથ ત્વાં તદેદંપ્રથમમુપગતે પુણ્યકાલે જનૌઘાઃ
પૂર્ણાનન્દા વિપાપાઃ સરસમભિજગુસ્ત્વત્કૃતાનિ સ્મૃતાનિ ॥

ચાણૂરો મલ્લવીરસ્તદનુ નૃપગિરા મુષ્ટિકો મુષ્ટિશાલી
ત્વાં રામં ચાભિપેદે ઝટઝટિતિ મિથો મુષ્ટિપાતાતિરૂક્ષમ્ ।
ઉત્પાતાપાતનાકર્ષણવિવિધરણાન્યાસતાં તત્ર ચિત્રં
મૃત્યોઃ પ્રાગેવ મલ્લપ્રભુરગમદયં ભૂરિશો બન્ધમોક્ષાન્ ॥

હા ધિક્ કષ્ટં કુમઆરૌ સુલલિતવપુષૌ મલ્લવીરૌ કઠોરૌ
ન દ્રક્ષ્યામો વ્રજામસ્ત્વરિતમિતિ જને ભાષમાણે તદાનીમ્ ।
ચાણૂરં તં કરાદ્ભ્રામણવિગલદસું પોથયામાસિથોર્વ્યાં
પિષ્ટોઽભૂન્મુષ્ટિકોઽપિ દ્રુતમથ હલિના નષ્ટશિષ્ટૈર્દધાવે ॥

કંસઃ સંવાર્યં ત્ઙ્ર્યં ખલમતિરવિદન્ કાર્યમાર્યાન્ પિત્ ંસ્તા-
નાહન્તું વ્યાપ્તમૂર્તેસ્તવ ચ સમશિષદ્ મઞ્ચમઞ્ચન્નુદઞ્ચત-
ખઙ્ગવ્યાવલ્ગદુસ્સંગ્રહમપિ ચ હઠાત્ પ્રાગ્રહીરૌગ્રસેનિમ્ ॥

સદ્યો નિષ્પિષ્ટસન્ધિં ભુવિ નરપતિમાપાત્ય તસ્યોપરિષ્ટાત્
ત્વય્યાપાત્યે તદૈવ ત્વદુપરિ પતિતા નાકિનાં પુષ્પવૃષ્ટિઃ ।
કિં કિં બ્રૂમસ્તદાનીં સતતમપિ ભિયા ત્વદ્ગતાત્મા સ ભેજે
સાયુજ્યં ત્વદ્વધોત્થા પરમ! પરમિયં વાસના કાલનેમેઃ ॥

તદ્ ભ્રાત્ નષ્ટ પિષ્ટ્વા દ્રુતમથ પિતરૌ સન્નમન્નુગ્રસેનં
કૃત્વા રાજાનમુચ્ચૈર્યદુકુલમખિલં મોદયન્ કામદાનૈઃ ।
ભક્તાનામુત્તમં ચોદ્ધવમમરગુરોરાપ્તનીતિં સખાયં
લબ્ધ્વા તુષ્ટો નગર્યાં પવનપુરપતે! રુન્ધિ મે સર્વરોગાન્ ॥