નમસ્કારૈકવિંશતિસ્તોત્ર · ભાગ 12

એકવિંશતિસ્તોત્ર
નમસ્ તારે તુરે વીરે ક્ષણદ્યુતિનિભેક્ષણે ।
ત્રૈલોક્યનાથવક્ત્રાબ્જવિકસત્કેસરોદ્ભવે ॥ નેવ્સ્_1
નમસ્ શાન્તસરચ્ચન્દ્રસંપૂર્ણપટલાનને ।
તારે સહસ્રવિકલ્પપ્રહસત્કિરણોજ્જ્વલે ॥ નેવ્સ્_2
નમઃ કનકનીલાબ્જપાણિપદ્મવિભૂષિતે ।
દાનવીર્યતપઃક્ષાન્તિતિતિક્ષાધ્યાનગોચરે ॥ નેવ્સ્_3
નમસ્ તથાગતોષ્ણીષવિજયાનન્તચારિણિ ।
અશેષપારમિતાપ્રાપ્તજિનપુત્રનિષેવિતે ॥ નેવ્સ્_4
નમસ્ તુત્તારહૂંકારપૂરિતાશાદિગન્તરે ।
સપ્તલોકક્રમાક્રાન્તા અશેષાકર્ષણક્ષણે ॥ નેવ્સ્_5
નમઃ શક્રનરબ્રહ્મમરુદ્વિશ્વેશ્વરાર્ચિતે ।
ભૂતવેતાલગન્ધર્વગણપુરસ્કૃતે ॥ નેવ્સ્_6
નમસ્ ત્રત્રિત્રિફટ્કારે પરમન્ત્રપ્રમર્દનિ ।
પ્રત્યાલીઢપાદન્યાસે શિખિજ્વાલાકુલોજ્જ્વલે ॥ નેવ્સ્_7
નમસ્ તુરે મહાઘોરે મારવીરવિનાશનિ ।
ભૃકુટીકૃતવક્ત્રાબ્જસર્વદુષ્ટનિસૂદનિ ॥ નેવ્સ્_8
નમસ્ ત્રિરત્નમુદ્રાઙ્કે હૃદ્યાઙ્ગુલિવિભૂષિતે ।
ભૂષિતાશેષદિક્ચક્રનિકરે સુકુલાકુલે ॥ નેવ્સ્_9
નમઃ પ્રમુદિતાટોપમુકુટાક્ષિપ્તસારિણિ ।
હસત્પ્રહસત્તુત્તારે મારલોકભયંકરિ ॥ નેવ્સ્_10
નમઃ સમન્તભૂપાલાપાતાલાકર્ષણક્ષણે ।
ભૃકુટિકૃતહૂંકારે સર્વાપદવિમોચનિ ॥ નેવ્સ્_11
નમઃ શિખણ્ડખણ્ડેન્દુમુકુટાભરણોજ્જ્વલે ।
અમિતાભતથાભારે ભાસ્વરે કિરણધ્રુવે ॥ નેવ્સ્_12
નમઃ કરતલાઘાતચરણાહતભૂતલે ।
ભૃકુટિકૃતહૂંકારસપ્તપાતાલનાશિનિ ॥ નેવ્સ્_13
નમઃ કલ્પાન્તહુતભુગ્જ્વાલામાલાન્તરે સ્થિતે ।
આલીઢમુદિતાબદ્ધરિપુચક્રવિનાશિનિ ॥ નેવ્સ્_14
નમઃ શિવે શુભે શાન્તે શાન્તનિર્વાણગોચરે ।
સ્વાહા પ્રણમ્ય સંયુક્તે મહાપાતકનાશિનિ ॥ નેવ્સ્_15
નમઃ પ્રમુદિતાબદ્ધરિપુગાત્રપ્રભેદનિ ।
દશાક્ષરપાદન્યાસે વિદ્યાહુંકારદીપિતે ॥ નેવ્સ્_16
નમસ્ તુરે પાદાઘાતે હુંકારકારજીવિતે ।
મેરુમણ્ડલકૈલાશભૂવનત્રયચારણિ ॥ નેવ્સ્_17
નમઃ સુરાસરાકારહરિણીકકરે સ્થિતે ।
હરદ્વિરુક્તફટ્કાર અશેષવિશનાશિનિ ॥ નેવ્સ્_18
નમઃ સુરગણયક્ષાસુરકિન્નરસેવિતે ।
આબદ્ધમુદિતાભોગકરિ દુઃસ્વપ્નનાશિનિ ॥ નેવ્સ્_19
નમશ્ ચન્દ્રાર્કસંપૂર્ણ નયનદ્યુતિસ્વભાસ્વરે ।

તાર દ્વિરુક્તોત્તારે વિષમજ્વલનાશિનિ ॥ નેવ્સ્_20
નમસ્ ત્રિતલવિન્યાસે શિવશક્તિસમન્વિતે ।
ગ્રહવેતાલયક્ષાદ્યનાશનિ પ્રવરે તુરે ॥ નેવ્સ્_21
મન્ત્રમૂલમ્ ઇદં સ્તોત્રં નમસ્કારૈકવિંશતિ ।
યઃ પઠેત્ પ્રાયશો ધીમાન્ દેવ્યા ભક્તિસમન્વિતઃ ॥ 1
સો ઽયં વા પ્રાતર્ ઉત્થાય સ્મરેત્ સર્વાભયપ્રદં ।
સર્વપાપપ્રશમનં સર્વદુર્ગતિનાશનમ્ ॥ 2
અભિષિક્તોભય તૂર્ણં અસ્મિન્ મહત્તામ્ આસાદ્ય ।
વિષં તસ્ય મહાઘોરં સ્મરણાત્ પ્રલયં યાન્તિ ॥ 3
ગ્રહજ્વલવિષાર્તાનામ્ અન્યેષાં ચૈવ સત્વાનામ્ ।
પુત્રકામો લભેત્ પુત્રં સર્વકામાન્ અવાપ્નોતિ ॥ 4
સપ્તાભિર્ જિનકોટિભિઃ સો ઽન્તે બૌદ્ધપદં વ્રજેત્ ।
સ્થાવરં વાથ જઙ્ગમં સાડ્ ઇદં પીડમ્ એવ ચ ॥ 5
પરમાર્તિવિનાશનં દ્વિત્રિસપ્તાભિવર્તિનામ્ ।
ધનકામો લભેદ્ ધનં ન વિઘ્નૈઃ પ્રતિહન્યતે ॥ 6
ઇતિ શ્રીસંયક્સંબુદ્ધવૈરોચનભાષિતં ભગવત્યાર્યતારદેવ્યા નમસ્કારૈકવિંશતિસ્તોત્રં સંપૂર્ણં સમાપ્તં ॥ શુભમ્ ॥